მსოფლიო პასპორტების რეიტინგში საქართველო 30-ე ადგილზეა. რეიტინგს კანადური საკონსულტაციო კომპანია, Arton Capital თავის ვებგვერდზე ავრცელებს.
კველვა ეფუძნება იმ ქვეყნების რაოდენობას, რომელშიც ჩასვლა პასპორტის მფლობელს უვიზოდ შეუძლია ან ვიზას ჩასვლისთანავე იღებს.
რეიტინგის მიხედვით, ქართული პასპორტის სიძლიერის მაჩვენებელი 131 ქულას შეადგენს. კერძოდ, საქართველოს მოქალაქეებს უვიზოდ შეუძლიათ, 78 ქვეყანას ეწვიონ, ხოლო 53 ქვეყანაში ვიზა ჩასვლისთანავე აიღონ. ამასთან, წიანასწარ ვიზის აღება 67 ქვეყანაში გასამგზავრებლად არის საჭირო.
აღსანიშნავია, რომ Arton Capital-ის 2022 წლის რეიტინგში საქართველო 127 ქულით 34-ე ადგილს იკავებდა. მაშინ ქართული პასპორტით უვიზოდ ჩასვლა ოთხით ნაკლებ, ანუ 74 ქვეყანაში შეიძლებოდა, ხოლო იმ ქვეყანების რაოდენობა, სადაც ვიზა ჩასვლისთანავე გაიცემა, ანალოგიურად 53 იყო.
მეზობელი ქვეყნებიდან პასპორტის სიძლიერით საქართველო უსწრებს სომხეთს (35 უვიზო და 47 ჩასვლისთანავე), რომელიც მე-60 ადგილზეა, ასევე, 61-ე ადგილზე მყოფ აზერბაიჯანს (33-48), თურქეთსა (74-50) და რუსეთს (79-46), რომლებიც თანაბრად 35-ე ადგილზე არიან. უკრაინა 148 ქულით, ანუ 96 უვიზო მგზავრობისა და ჩასვლისთანავე ვიზის აღების 52 ქვეყნის რაოდენობით მე-18 ადგილზეა.
Global Passport Power 2023-ის რეიტინგის პირველ ათეულ პოზიციაზე არიან (უვიზო-ჩასვლისთანავე-ჯამი):
- არაბთა გაერთიანებული საემიროები (125-55) – 180
- შვედეთი (131-44), გერმანია (131-44), ფინეთი (131-44), ესპანეთი (131-44), საგრანგეთი (131-44), იტალია (131-44), ნიდერლანდები (130-45), ლუქსემბურგი (130-45), ავსტრია (129-46), შვეიცარია (126-49), კორეის რესპუბლიკა (123-52) – 175
- დანია (130-44), ბელგია (129-45), პორტუგალია (129-45), ნორვეგია (126-48), პოლონეთი (125-49). ირლანდია (124-50), დიდი ბრიტანეთი (124-50), ახალი ზელანდია (118-56) – 174
- საბერძნეთი (126-47), ჩეხეთი (125-48), უნგრეთი (124-49), იაპონია (123-50), კანადა (120-53), აშშ (120-53), ავსტრალია (115-58) – 173
- სინგაპური (133-39), მალტა (126-46), ლიეტუვა (124-48), სლოვაკია (122-50) – 172
- ესტონეთი (123-48), ლატვია (123-48), სლოვენია (122-49), ლიხტენშტეინი (121-50) – 171
- ისლანდია (121-49) – 170
- კვიპროსი (122-47), ხორვატია (121-48), რუმინეთი (118-51), ბულგარეთი (117-52) – 169
- მალაიზია (121-47) -168
- მონაკო – (113-54) – 167
bpn.ge
