,,იმედის” ეთერში გასული ფილმის – ,,ჩვენ მშვიდობით მოვიგებთ სხვის დაწყებულ ომს” არაერთგვაროვანი გამოხმაურება მოჰყვა. ფილმმა პროტესტი გამოიწვია აგვისტოს ომში მონაწილე სამხედროებშიც. ბესო ქათამაძე ერთ-ერთი იმათგანია , რომელიც 2008 წელს საქართველოს ინტერესებისთვის და რუსული აგრესიის წინააღმდეგ იბრძოდა. მათი დამსახურებით გაიცნო მსოფლიომ რუსეთი , როგორც აგრესორი და არა სამშვიდობო მისიის მონაწილე.
გთავაზობთ ქართველი ჯარისკავის პირდაპირი ჩართვის შინაარსს:
,, მოგესალმებით, მე ვარ ბესო ქათამაძე 2008 წლის ომის მონაწილე, მე-4 ბრიგადის ყოფილი ჯარისკაცი. მინდა გამოვეხმაურო ტელეკომპანია იმედის ეთერში გასულ ფილმს, რომელიც იმეორებს რუსულ ნარატივს და აბრალებს ჩვენს ქვეყანას ომის დაწყებას, ხოლო ჩვენს ჯარისკაცებს საკუთარ ოჯახში ცეცხლის გახსნაში სდებს ბრალს. ეს ფილმი, ტელეკომპანია იმედის ეთერში გასული ფილმი ამართლებს პუტინის აგრესიას და ოკუპაციას, რაც ქმნის საფუძველს აფხაზეთის და ცხინვალის რეგიონის დამოუკიდებლობის დაკანონების შესახებ. ეს არის ქვეყნის დიდი ღალატი. ამ ფილმით ხელს უწყობენ ჩვენი ქვეყნის ჯარისკაცების წინააღმდეგ სისხლის სამართლებრივი დევნის დაწყებას , ხოლო შემდგომში 10-20 წლებით და უფრო მეტი ვადით ციხეში ჩასმას. ეს ფილმი არის ქვეყნის ღალატი , იმედის ეთერში რაც გავიდა და სირცხვილი უიმედო ტელეკომპანია იმედის თანამშრომლებს, რომლებმაც ამ ფილმით გაამართლეს 2007 წლის კოდორის სპეც-ოპერაციაში მონაწილე ბიჭების მუხანათურად ლიკვიდაცია , რაც 2012 წლის შემდეგ მოხდა. სირცხვილი ღარიბაშვილს, რომელიც მისალოც ბარათებს გვიგზავნიდა, სამადლობელ ბარათებს და ახალ წელს გვილოცავდა- სირცხვილი ქართული ოცნების ხელისუფლებას, რომლებიც ყველაფერს კადრულობენ, საკუთარ ქვეყანას ომში ადანაშაულებენ. სირცხვილია და ღალატია ეს ყველაფერი, რაც ტელეკომპანია იმედის ეთერში გავიდა, ვინც ნახა ეს ყველაფერი და ამართლებს არის ქვეყნის მოღალატე და ქვეყნის წინააღმდეგ ვინც ასე სამარცხვინო ქმედებებს ჩადის ყველა ის პირი უნდა იყოს პასუხისგებაში მიცემული და დაისაჯოს აუცილებლად.”
