ამერიკელი პოლიტიკოსები ყოველთვის საკუთარი ხალხის ნებას გამოხატავენ. როცა ასე არ იქცევიან ამომრჩეველი მათ აღარ აძლევს სამოქმედო ბერკეტს.
წელს უმნიშვნელოვანესი არჩევნებია. ამერიკელი ხალხი ერთხმად უჭერს მხარსუკრაინას.
მგონი მხოლოდ ამაში თანხმდება დემოკრატების და რესპუბლიკელების ამომრჩეველი. დემოკრატების უპრეცედენტო დახმარებას ვხედავთ.
რესპუბლიკელები კიდევ უფრო მეტს ითხოვენ და ბაიდენს ტემპებს უწუნებენ – too little, too late. მე 2008 წ. მაკეინის წინასაარჩევნო სლოგანი მახსენდება – Today we are all Georgians.
სამწუხაროდ, მაშინ ძალიან უმნიშვნელო წერტილად ჩაგვთვალეს, რაზეცყველა ქართველს და ბევრ უკრაინელს გული გვწყდება, მაგრამ დღეს რეალურად ხედავენ საფრთხეს.
რუსებს უყვართ ისტორიის გაყალბება და ფაშიზმზე გამარჯვება მხოლოდ თვითონ მიისაკუთრეს, თავის კოლტსაც დააჯერეს და თვითონაც დაიჯერეს. Ისე დაიჯერეს რომ მაშინდელ მთავარ მოთამაშეებს და მოკავშირეებსაც უკვე ბირთვის კვრასავით შეჰბედეს ბირთვული იარაღის მუქარა.
არადა, დიდ ომში იმარჯვებს აშშ-ს Lend-Lease და არა რუსული ჩექმა.
ბლინკენი და ოსტინი ხელცარიელი არ ჩამოსულან. Შეტევით იარაღს ისევ ითხოვს ზელენსკი, მაგრამ ყველაფერს არ გვეტყვიან ბუნებრივია.
ლავროვის ძალიან ცინიკურ განცხადებას რომ “Настал момент истины და მსოფლიო ვიღაცის ჭკუაზე კიარა გაეროს კონვენციებზე უნდა ცხოვრობდეს” მალევე უპასუხეს რამშტაინის ბაზიდან, სადაც მსოფლიო თავდაცვის მინისტრები იყვნენ 40 ქვეყნიდან, “ჩვენ ვმუშაობთ რათა რუსეთმა განიცადოს სტრატეგიული მარცხი”.
გახსოვთ ამერიკელები ამბობდნენ რომ თქვენ გჭირდებათ იარაღის გამოყენების სწავლა, რამზეც უკრაინელებმა უბრალოდ სტატისტიკა დაუდეს: ჯაველინების ზუსტი სროლა უკრაინა 95%, აშშ 80%. Ამით ყველაფერი ნათქვამია და შეიარაღების დიდი ნაწილიც (წა)მოსულია.
დღეს უკვე აშშ გახარჯული აქვს $14 მლრდ. უკრაინისთვის. რუსეთში მომხდარ აფეთქებებსა და ხანძრებზე დასავლელი ლიდერები პასუხობენ – რატომაც არა, უკრაინას აქვს უფლება გადაიტანოს ფრონტი რუსეთის ტერიტორიაზე.
ეს კი ვერ მოხერხდება შეტევითი იარაღის გარეშე. იარაღის გარდაუკრაინას ეძლევა ფული და ჰუმანიტარული დახმარება. ბრიტანეთმა მოხსნა საბაჟო გადასახადი უკრაინიდან იმპორტზე.
Lend-Lease პროგრამით WW2 დროს აშშ დახარჯა დღევანდელი კურსით $700 მილიარდი. რუსეთის შემდეგ დახმარების ყველაზე დიდი წილი მიეცა დიდ ბრიტანეთს. ამის შემდეგ აშშს გადაეცა დიდი ბრიტანეთის სამხედრო ბაზები ნიუფაუნდლენდზე, ბერმუდის კუნძულებზე და კარიბის ზღვაში.
უკრაინა ომის შემდგომ დაუთმობს სევასტოპოლს. სევასტოპოლის პორტის გამო იბრძვის რუსეთი ყირიმში 3 საუკუნე და პუტინის სიშხუილობის გამო,კარგავს დღეს.
ამას უნდა მივუერთდეთ ჩვენც. საქართველომ უნდა შესთავაზოს და 100 წლით სარგებლობაში გადავცეთ რომელიმე პორტი (ვთქვათ სოხუმის) – საქართველოს გაერთიანების და სუვერენიტეტის დაცვის სანაცვლოდ. Lend-Lease აუცილებლად მარშალის გეგმა მოჰყვებადა იქაც უნდა ვიყოთ უკრაინასთან ერთად.
ასეთ დროს გვჭირდება ეფექტური და არა კოლაბორაციონისტური მთავრობა.
მსოფლიო ლიდერები კიევში ჩამოდიან მოსკოვში კი მხოლოდ ბჟანია და ბიბილოვი ჩადიან.
საქართველომ დაუყოვნებლივ უნდა გამოაცხადოს ისინი დამნაშავეებად სახელმწიფო ღალატში, სეპარატიზმშიდა ქართველთა გენოციდში 1991 წლიდან. და გადასცეს ინტერპოლს მათი დაპატიმრების მოთხოვნა.
ახლა ხელისუფლების მხრიდან მოქმედების დროა. თუ არ მოქმედებს ხელისუფლება და ოპოზიცია ამ შემთხვევაში უნდა იმოქმედოს ხალხმა.
Lend-Lease ვალის აღებაა, lend – გასესხება, lease – იჯარით გაცემა. შენ თუ არ დახარჯე, ან არ ივალე ისე არავინ გააკეთებს შენ საქმეს. და კიდევ. უკრაინას რომ არ ებრძოლა ახლა ზელენსკი ლევილივით სოფელში იცხოვრებდა პარიზთან ახლოს, უკრაინას კი ხელახალი ჰოლოდომორი და რეპრესიები ექნებოდა გასავლელი.
ამიტომ გვჭირდება ძლიერი არმია და მკვეთრად გამოხატული საგარეო პოლიტიკა.
27.04.2022
ზვიად ბაღდავაძე
