“ქართულმა ოცნებამ” ქუთაისში მერობისა და მაჟორიტარობის კანდიდატები ოფიციალურად წარადგინა.
ქუთაისში მმართველი გუნდის მაჟორიტარობის კანდიდატად ქუთაისის საკრებულოს ყოფილ დეპუტატი, კლინიკა “ელ-ჯის” მფლობელი ზაზა ლომინაძე წარადგენეს. მერობის კანდიდატად კი ვიცე-გუბერნატორი, იოსებ ხახალეიშვილი დასახელდა.
საზოგადოებასთან შეხვედრა ბაგრატის ტაძრის ეზოში გაიმართა. მას მთავრობის წევრებთან ერთად სასულიერო პირებიც ესრებოდნენ.
შეხვედრაზე იმყოფებოდნენ საქართველოს პრემი-მინისტრი გიორგი გახარია, პარლამენტის თავმჯდომარე არჩილ თალაკვაძე და ,,ქართული ოცნების” გენერალური მდივანი კახა კალაძე. წარდგენას ასევე ესწრებოდნენ დგილობრივი თვითმმართველობის წარმომადგენლები და ქუთაის-გაენათის ეპარქიის წინამძღოლი, მეუფე იოანე.
ბედნიერი და ამაყი ვიდექი დღეს ბაგრატის ტაძართან. უდიდესი პასუხისმგებლობაა, იყო ქუთაისის მაჟორიტარი დეპუტატი ქვეყნის უმაღლეს საკანონმდებლო ორგანოში, იყო რჩეული თანაქალაქელებისა და იმ სახელისუფლებო გუნდისა, რომელმაც სამართლიანი, ძლიერი ქვეყნის ასაშენებლად შთამბეჭდავი ნაბიჯები გადადგა.
მე ექიმი ვარ, როგორც თქვენ ამბობთ ხოლმე „გულის ექიმი“. მე ვიცი, როგორ უნდა მოვიდე თქვენს გულებამდე, ვიცი რა გილხინთ, რა გიჭირთ. ჩვენ ყოველდღე ვხვდებით ერთმანეთს, ყურს ვუგდებ თქვენს გულისცემას. ასე იქნება მაშინაც, როცა თქვენს სათქმელს პარლამენტში მივიტან.
ჩვენი ქალაქი საუკუნეების მანძილზე იყო და არის ერთგვარი დონორი მთელი ქვეყნისთვის, ხელოვნების, განათლების, მეცნიერების, კულტურის სფეროში.
არ გადავაჭარბებ, თუ ვიტყვი, რომ ეს იყო ერთ-ერთი ყველაზე ამაღელვებელი მომენტი ჩემს ცხოვრებაში. მე თქვენი მხარდაჭერის იმედი მაქვს, თქვენ ჩემი იმედი უნდა გქონდეთ!
ერთად ყველაფერს შევძლებთ!
თქვენი მხარდაჭერის შედეგად, უკვე საქართველოს პარლამენტიდან ვიზრუნებ თქვენზე და ჩემთვის უსაყვარლეს ქუთაისზე!
დარწმუნებული ვარ, სწორ არჩევანს გააკეთებთ. – განაცხადა “ქართული ოცნების” მაჟორიტარობის კანდიდატმა ქუთაისში ზაზა ლომინაძემ.
ჩემთვის, ადამიანისთვის, ვისი ცხოვრება ამ განსაკუთრებულ ქალაქთან არის გადაჯაჭვული, დიდი პატივია, ვიყო „ქართული ოცნების“ გუნდის ნდობით აღჭურვილი მერობის კანდიდატი.
როცა ვდგავარ ამ ეზოში, ბაგრატის ტაძრის წინ, ამ საკრალურ თუ სიმბოლურ ადგილას, რომელიც უმნიშვნელოვანესია ქუთაისისათვის, გულწრფელად შემიძლია გითხრათ, რომ ყველაფერს გავაკეთებ ამ ქალაქისთვის და ქალაქელებისთვის, თქვენთან ერთად, თქვენი დახმარებით და თქვენი გვერდზე დგომით.
ქუთაისი განსაკუთრებული ქალაქია, ამიტომ ამ ქალაქს სხვანაირი სიყვარული, დაფასება და მოვლა სჭირდება.
ძლიერი ქუთაისი ძლიერი იმერეთია. ძლიერი იმერეთი, ძლიერი რეგიონები, ეს ხომ ძლიერი საქართველოა. – განაცხადა “ქართული ოცნების” მერობის კანდიდატმა ქუთაისში იოსებ ხახალეიშვილმა.
