სოციალურ ქსელში ტრაგიკული ამბავი გავრცელდა. გარდაიცვალა მოზარდი, რომელიც 13 ივნისს მდინარეში ჩავარდა და დინებამ გაიტაცა. მოზარდი წყლიდან უგონო მდგომარეობაში ამოიყვანეს. მისი მდგომარეობა კრიტიკული იყო.
როგორც ოჯახის ახლობლები ამბობენ, გოგონა თურქეთში გადაიყვანეს… თუმცა გადარჩენა ვერ მოხერხდა.
სამწუხარო ამბავს შოთა სიხარულიძე გამოეხმაურა. ის ოჯახს სამძიმარს უცხადებს და აღნიშნავს, რომ ლილეს მშობლებმა შვილის გადასარჩენად ყველაფერი გააკეთეს, თუმცა მისი გადარჩენა ვერ მოხერხდა.
ამ დროისთვის ბავშვის გარდაცვალების მიზეზთან დაკავშირებით ოფიციალური ინფორმაცია არ ვრცელდება.
„ლილეს დედამ და მამამ ყველაფერი გააკეთეს, რაც შეეძლოთ. დღეს მათ უმძიმესი ტკივილის გადატანა უწევთ. ვილოცოთ მათი გამძლეობისთვის. ნუთუ მიწას არ შერცხვება ამ პატარა ანგელოზის? მიწამ როგორ უნდა მიიღოს?! რკინად და ლოდად უნდა იქცე ამ ტკივილს რომ გაუძლო. ახლა საერთოდ ყველა გავიყინეთ. ნეტავ სულ არ გათენებულიყო. თუ ღირდა საერთოდ ამად ეს გათენება?! ნუთუ ამის გასაგებად უნდა ამოსულიყო მზე?!!
ანგელოზებს შეუერთდა ასე მოკრძალებით შენი სიცილი ლილეკუნა…“, – წერს შოთა სიხარულიძე.
გარდაცვლილის ოჯახს სოციალურ ქსელში ასობით ადამიანი უსამძიმრებს და თანადგომას უცხადებს.
ვუსამძიმრებთ ლილეს ოჯახს.
