23 აპრილის შეჯამება უკრაინაში:
– რუსებმა ხარკივის გვერდის ავლით იზუმისაკენ კიდევ ერთი კოლონა გაგზავნეს. დღესაც, ისევე როგორც გუშინ, უკრაინული დანაყოფები დახვდნენ მას და ჩასაფრებაში გაანადგურეს.
როგორც ირკვევა ბოლო ორ დღეში განადგურებულთა შორის იმ რუსული შენაერთების გარკვეული ნაწილიცაა წარმოდგენილნი, რომლებიც ბუჩაში მშვიდობიანი მოსახლეობის მკვლელობასა და გაუპატიურებას ეწეოდნენ.
შეიძლება იკითხოთ თუ რატომ ვერ ხვდებიან რუსები რომ კოლონებით სიარული დიდი უაზრობაა, მაგრამ მინდა ხაზი გავუსვა ორ საკითხს:
რუსული გენერალიტეტი საშინლად უნიჭოდ და კორუმპირებულად გამოიყურება და მათგან სიახლისა და შემოქმედებითობას არ უნდა ველოდოთ. და მეორე, რუსებს ცვლილება რომც უნდოდეთ საბრძოლო ხასიათის ასე მოკლე ხანში ეფექტურად გადასხვაფერება პრაქტიკულად შეუძლებელია.
დღეს ხარკივისვე რაიონში, უკრაინელებმა რუსების 2 გამანადგურებელი და ოთხი დრონი ჩამოგადეს.
– ძალიან საინტერესო ვითარებაა უშუალოდ ქალაქ ხარკივში. უკრაინელებმა თავდაცვითი პოზიციებიდან შეტევა განაახლეს რუსეთის საზღვრის მიმართულებით.
ისინი დერჰაჩის რკინიგზის ხაზს მიუყვებიან და ორი დასახლების აღების შემდეგ რუსეთის საზღვარზე გავლენ. ეს ხარკივის უსაფრთხოებას კიდევ უფრო გააძლიერებს. ხოლო რუსულ არტილერიას მოქმედების არეალს შეუმცირებს. რუსებმა უკვე სამი სოფლიდან დაიხიეს უკან.
– მარიუპოლში “აზოვმა” ბავშვებს აღდგომა მიულოცა და საჩუქრები და ტკბილეული მიართვა მათ. რუსებმა კი საარტილერიო ჭურვებზე დააწერეს “Христос воскрес” და იმის მეშვეობით ბომბავენ “აზოვსტალს”. თავად განსაჯეთ მათი”ქრისტიანობა”.
– გუშინ და დღეს უკრაინელებმა ხერსონში რუსების სამეთაურო შტაბები დაბომბეს. მოკლულ იქნა ორი რუსი გენერალი, მესამე კი მძიმედაა დაჭრილი. დაღუპულთა შორის აბსოლუტური უმრავლესობა ოფიცერია. როგორც ჩანს ამის შემდეგ ყველა შესაძლო შეტევა მიკილაივი-ოდესას მიმართულებით საბოლოოდ გაუქმდება.
– რუსებმა დაბომბეს ოდესა. მათი განცხადებით სარაკეტო იერიში სწორედ იმ საწყობებს შეეხო, რომელშიც დასავლური იარაღი ინახებოდა. ზოგადად ძალიან საეჭვოა უკრაინელები სადმე იარაღს ინახავდნენ, რადგან შუა სამხედრო მოქმედებების პერიოდში იარაღის შენახვა ნაკლებ დამაჯერებლად ჟღერს.
– დღეს ზელენკსკიმ ისაუბრა კონტრშეტევის აუცილებლობაზე და განაცხადა, რომ რუსების შეჩერებისა და სათანადო იარაღის მიღების შემდეგ კონტრშეტევა აუცილებლად დაიწყება. მან ისიც დაამატა, რომ აზოვსტალის განადგურების შემთხვევაში უკრაინა ყველა მოლაპარაკებას შეწყვეტს.
– რუსები აცხადებენ, რომ უკრაინელები რუსეთის ტერიტორიაზე, კურსკის რაიონში, ზედ უკრაინის საზღვართან ახლოს რუსულ პოზიციებს ბომბავენ. თუმცა ეს ფაქტი რომც დადასტურდეს არაფერია გასაკვირი, რადგან რუსებმა რამდენიმე საათის წინ უკრაინელი მესაზღვრეების პოზიციებზე მიიტანეს იერიში ჩერნიჰივის რაიონში. და თუ რუსები ახორციელებენ რაიმეს, იქ უკრაინელთა პასუხი არავის გააკვირვებს.
– ლუგანსკის რაიონში ქალაქი პოპასნაიას აღება რუსებმა ვერ შეძლეს. დიდი ბრძოლების შემდეგ მათ ქალაქის მხოლოდ მცირე ნაწილის დაკავება მოახერხეს, თუმცა ახლა უკან დახევა მოუწიათ, რის შემდეგაც მთელ ქალაქს საარტილერიო ჭურვებს აყრიან. უკრაინელები ქალაქისათვის ბრძოლას ბოლომდე აპირებენ, რუსებს კი ლუგანსკის რაიონშიც კი ეწურებათ არსებული შემტევი რეზერვები.
– რუსეთს დაახლოებით 40-45 ათასი სამხედრო ჰყავს შეყვანილი მარტო დონბასში. დაახლოებით მობილიზებული 15 ათასი სამხედროს შეყვანა კიდევ შეუძლია. მაგრამ დანაკარგები იმდენად დიდი აქვთ და ისე გაეწელათ შეტევის მიმართულება ზაპოროჟიესა და ხერსონისაკენ, რომ მათი მომარაგება გაჭირდა.
თითქოს დალაგებულმა ლოჯისტიკამ კვლავ თავი იჩინა და რუსული შეტევები ბევრგან უკვე გამოუსწორებელ ჩიხშია შესული.”- წერს გიორგი კობერიძე.
