,,ქუთაისში დევნილი ოჯახებისთვის 800 ბინის მშენებლობა დასრულების ფაზაშია
✅ქუთაისში, შერვაშიძის ქუჩაზე 800 დევნილი ოჯახის განსახლების მიზნით, ხუთი 16-სართულიანი კორპუსი შენდება.
✅ამჟამად, ახალაშენებულ კორპუსებში განსახლების მსურველი დევნილი ოჯახების მონიტორინგის პროცესი მიმდინარეობს. მშენებლობა უკვე დასრულების ფაზაშია და იძულებით გადაადგილებული ოჯახები თანამედროვე სტანდარტების ბინებს შემოდგომით მიიღებენ.
✅სამშენებლო სამუშაოების მიმდინარეობას დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორ ჯაბა სირბილაძესთან და ქუთაისის მერ იოსებ ხახალეიშვილთან ერთად ადგილზე გავეცანი.
✅იმერეთში ბოლო 3 წლის განმავლობაში ძალიან ინტენსიურად მიმდინარეობდა დევნილებისთვის საცხოვრებელი კორპუსების მშენებლობა, რამაც მოგვცა საშუალება შარშან რეგიონში 900 – მდე ოჯახისთვის მიგვეცა საცხოვრებელი ფართი. წლის ბოლოს ქუთაისში ამ რაოდენობას კიდევ 800 ოჯახი დაემატება და როგორც დღეს დაანონსდა 720 ოჯახი დამატებით კიდევ მიიღებს მომავალში ბინებს, რომელთა მშენებლობა დაიწყება უკვე წელს.
✅მნიშვნელოვანია, რომ უახლოეს პერიოდში, ამავე ტერიტორიის მიმდებარედ, დამატებით, 720 დევნილი ოჯახის საცხოვრებლით უზრუნველყოფის მიზნით, ახალი კორპუსების მშენებლობა დაიწყება.”-იუწყება მერიის სამხარეო ადმინისტრაცია.