ეპიდემიოლოგიური ვითარება საქართველოს ოკუპირებულ რეგიონებში სულ უფრო მძიმდება- ოკუპირებულ გალში, მიუხედავად რეჟიმის მიერ შემოღებული საგანგებო ვითარებისა, ვაქცინაცია ამ დრომდე არ დაწყებულა.
გარდა ამისა, ოკუპირებულ სოფლებში არ მოძრაობს ტრანსპორტი. მოქალაქეებს ენგურის ხიდამდე მისასვლელად და ვაქცინაციისთვის რეგისტრაციის გასავლელად 60 კმ-ის გავლა ფეხით უწევთ.
ხელისუფლებას წელიწადზე მეტია გალში მცხოვრები მოქალაქეები ლეპტოპებით დახმარებას სთხოვენ, რომ ვაქცინაციაზე დარეგისტრირება გაუადვილდეთ.
ოკუპირებულ ტერიტორიებზე მცხოვრებლების თხოვნაა, რომ საქართველოს ჯანდაცვის სამინისტროს მის დაქვემდებარებულ სამედიცინო პუნქტებს კოვიდტესტები გადასცეს, რათა ადგილობრივებმა კოვიდზე გამოკვლევა შეძლონ.
ოკუპირებულ ტერიტორიებზე არის სოფლები, სადაც 7-10 ადამიანი იღუპება ყოველდღიურად კოვიდით. არსებული ცნობებით, არის ოჯახები, რომლებშიც ოჯახის 2 წევრი გარდაიცვალა ბოლო კვირების განმავლობაში, თუმცა ოფიციალური კოვიდსტატისტიკა უცნობია.
ცნობისთვის, ექიმების ცნობით, რუხის კლინიკაში პაციენტების ნაკადი სულ უფრო იზრდება, შემოსული პაციენტების მდგომარეობა უმეტესად მძიმე და კრიტიკულია, კლინიკის რეანიმაციაში 33 ადამიანია მოთავსებული და დარჩენილია მხოლოდ 2 თავისუფალი ადგილი.
Mtavari.tv
