“მეგობრებო, ეს ქვეყანა იხურება და მისგან რუსული ტიპის ოლიგარქიული დიქტატურის მოდელი შენდება, რომლის ადგილი დასავლურ სამყაროში არც არის და ვერც იქნება.” – ასე ეხმაურება ნიკა გვარამია “ტვ პირველის” დამფუძნებლის ვატო წერეთლის პროკურატურაში დაბარებას.
“მეგა ტვ” პოსტს უცვლელეად გთავაზობთ.
ამის დაშვება არ შეიძლება, ეს ყველა ქართველი პატრიოტის ვალია. ამ ისტორიულ გზაგასაყარზე, საით წავიდეთ, ჩრდილოეთით თუ დასავლეთით, ჩვენს ნაცვლად ვერავინ გადაწყვეტს, ვერც ჩვენი მთავარი მოკავშირე დასავლეთი. უნდა გვწამდეს დასავლეთის მხარდაჭერის და გვეიმედებოდეს ჩვენი მეგობრები, მაგრამ ეს საკითხი სრულად და საბოლოოდ მხოლოდ ჩვენი გადასაწყვეტია. უნდა ვიმოქმედოთ, თორემ ერთ დღესაც ჩვენი შვილები კრასნოდარის მხარის გარე პროვინციის მოქალაქეებად გაიღვიძებენ.
ჩვენი გზა დასავლეთია! უზურპატორი უნდა წავიდეს!” – წერს ნიკა გვარამია თავის ოფიციალურ ფეისბუკ გვერდზე.
“რუსთავი 2”-ის ყოფილი გენერალური დირექტორი პოსტშივე აქვეყნებს ვატო წერეთლის მიერ ფეისბუკ გვერდზე გავრცელებულ სტატუსს.
“პროკურატურაში დამიბარეს. ნებისმიერ კითხვაზე გავცემ პასუხს მხოლოდ მოსამართლის თანდასწრებით, თუმცა წინასწარ გეუბნებით, ტვ პირველს არ მოგაგუდინებთ!!! ეს ტელევიზია არც არავის გავლენის ქვეშ გადავა და არც არავის ტრენდზე! შანსი გაქვთ ნული! ყველას ვერ დაიჭერთ ! ყველას ვერ დააშინებთ !
ყველა შეტევას გავუძელით და ამასაც გავუძლებთ !” – წერს ვატო წერეთელი.
ტვ პირველის“ დამფუძნებელი ვახტანგ წერეთელი, სავარაუდოდ, 8 აგვისტოს სასამართლოში დაიკითხება. ამის შესახებ „ინტერპრესნიუსს“ გენერალურ პროკურატურაში განუცხადეს. უწყების ინფორმაციით, მაგისტრი მოსამართლის თანდასწრებით გამოკითხვა წერეთელმა თავად მოითხოვა.
შეგახსენებთ, რომ პროკურატურის მიერ “ტვ პირველის” მფლობელის, ვახტანგ წერეთელის გამოკითხვაზე დაბარების შესახებ ცოტა ხნის წინ გახდა ცნობილი.
საკითხი ჯაფარიძე-ხაზარაძის საქმეზე დაწყებულ გამოძიებას ეხება.
