„ჩემი სამყარო“ – ასე ქვია ნამუშევარს, რომელსაც ჰიპ-ჰოპ არტისტი, ქუთაისელი პაჯო, თავის მსმენელს სთავაზობს. ახალ ნამუშევარში მუსიკოსის ხასიათი და განწყობა კარგად ვლინდება. სიმღერა ჯოჯო მოიესის წიგნის „მე შენამდე“ მოტივებზეა შექმნილი. შესაბამისად ნამუშევარიც თბილი, ემოციური და მელოდიური გამოვიდა.
ქუთაისელი რეპერის შემოქმედება რომ მრავალფეროვნებითაა სავსე, ამას სულ ცოტა ხნის წინ შემქნილი ნამუშევარიც ადასტურებს. „ახალი ეპოქა“ – სიმღერა, რომლითაც მუსიკოსი საზოგადოებას ერთგვარ მესიჯს უგზავნის, პოპულარული უკვე გახდა. „არ გვინდა ომი და სისხლი უკეთესი მომავალისთვის“ – რეპერი შეეცადა ეს გზავნილები საზოგადოებამდე მიეტენა.
გული წყდება, რომ ჰიპ-ჰოპი, რომელმაც სათავე ქუთაისიდან აიღო, ფინანსების გამო ვერ ვითარდება და მხოლოდ რეპერების ენთუზიაზმზეა დამოკიდებული.
ამბობს, რომ ჰიპ-ჰოპი მისთვის ყველაზე კომფორტული ჟანრია, რადგან ადამიანებამდე სათქმელის მიტანა მუსიკის ამ ჟანრით ყველაზე ეფექტურია.
ჰიპ-ჰოპ არტისტი, რომელიც მუსიკას უკვე 12 წელია აკეთებს, გაჩერებას არ აპირებს და სამომავლოდაც ბევრი გეგმა აქვს . მისი თქმით, მოკლე ხანში ახალ ტრეკს შემოგვთავაზებს, რომელიც ძველ ქართული კლასიკური მუსიკის მოტივებზე იქნება დაფუძნებული.
