„ არანაირი ბოიკოტი – ფიზიკურად ვეღარ ვარჯიშობენ ფეხბურთელები. ბაზაზე ცხოვრობენ და კვების პრობლემა შეიქმნა.“- „ტორპედო“-ში შექმნილ ვითარებასთან დაკავშირებით გუნდის მწვრთნელმა კახა ჩხეტიანმა კომნეტარი გააკეთა.
„”ტორპედოთი” არიან დაინტერესებულები როგორც ქართველი, ისე უცხოელი ინვესტორები. დღეს ქალაქის მერიაში დაგეგმილია შეხვედრა ერთ-ერთ ინვესტორთან და იმედი გვაქვს, ყველაფერი მალე მოგვარდება… თამაშებზე აუცილებლად გავალთ. კი, გვაქვს პრობლემა, მაგრამ “ტორპედო” ჩემპიონატის ჩაშლას ხელს არ “შეუწყობს”. გავალთ და ვითამაშებთ. მე, როგორც რიგითი ქუთაისელი, ბოლომდე აქ ვიქნები! არანაირი ბოიკოტი – ფიზიკურად ვეღარ ვარჯიშობენ ფეხბურთელები. ბაზაზე ცხოვრობენ და კვების პრობლემა შეიქმნა. აღარაა თანხა, შესაბამისად, გუნდი ვერ ივარჯიშებს. ფეხბურთელებისთვის მადლობის მეტი არაფერი გვეთქმის. გულშემატკივარმა უნდა იცოდეს, რომ იმ დღიდან, როცა ფინანსური პრობლემა შეგვექმნა, ფეხბურთის ფედერაციის პრეზიდენტი ლევან კობიაშვილი გვერდით გვიდგას და გვეხმარება ფინანსურად. გარდა იმისა, რომ ფედერაცია მგზავრობის, სასტუმროსა და სხვა ხარჯებს გვიფარავს, ერთი თვის წინ ერთი თვის ხელფასიც გამოგვიყო.“-განაცხადა კახა ჩხეტიანმა.
„ტორპედო“-ს ირგვლივ შექმნილ ვითარებაზე კომენტრი გააკეთა გუნდის კაპიტანმა როინ კვასხვაძემ : “ერთადერთი იმედიღა დამრჩა, რომ უახლოეს პერიოდში პრობლემები მოგვარდება და ისევ ის ძალა ვიქნებით, რაც ვიყავით!”
ტორპედოში უკვე რამდენიმე თვეა კრიზისია. ფეხბურთელების ნაწილმა გუნდი დატოვა ამის მიზეზი ხელფასების გადაუხდელობა გახდა. გუნდის მეპატრონემ ზაალ ჩაჩავამ ფეხბურტლებთან ერთად თანხის ნაწილი არ გადაუხადა არც მერიას. შედეგად მერიამ ცაჩავას სასამართლოში უჩივლა, ხოლო გუნდს დროებითი მმართველი დაუნიშნა. „დღევანდელი მდგომარეობით, ქუთაისის „ტორპედოს“ გააჩნია 3-მილიონიანი დავალიანება, როგორც ბანკის, ასევე კერძო პირებისა და ფეხბურთელების სახელფასო დავალაინების სახით. ამ დავალიანების გასტუმრებას ვითხოვთ კომპანია „ინტერნეიშენალ სოკერ ჰაუსისგან“ და ქუთაისის მერიის ბალანსზე კლუბის ყოველგვარი ვალის გარეშე დაბრუნებას. ქუთაისის მერია ცდილობს და ეძებს სამართლებრივ გზას, რომ ამ ეტაპზე პატარა დახმარება აღმოუჩინოს კლუბს და ამის იმედი გამოჩნდა“.-აცხადებს ქუთაისის მერიის იურისტი ირაკლი გიორგაძე.
