“ალეკო ახალაძე მუდმივად ცდილობდა იერიში მიეტანა სამოქალაქო აქტივისტებზე” – ამის შესახებ თავის ფეისბუკ გვერდზე სამოქალაქო აქტივსტი გიზო ბანძელაძე წერს.
“მეგა ტვ” პოსტს უცვლელად გთავაზობთ:
“ალეკო ახალაძეს სამოქალაქო აქტივისტებზე თავდასხმის კიდევ ერთი მიზანმიმართული და უსუსური მცდელობა ჰქონდა.
ეს ადამიანი არის პოლიტიკურად უპასუხისმგებლო და ეტაპობრივად ამტკიცებს, რომ ქუთაისის საკრებულოში იგი წარმოადგენს ზუსტად იმ რგოლს, რომელსაც ნანა კოსტავა და მისნაირები.
ჩვენ ყოველთვის მივესალმებით ლუსტრაციას და ადამიანის იმ პოზიციიდან დანახავას თუ რას წარმოადგენს ის რეალურად. თუმცა სამწუხაროა, რომ ასეთი ადამიანები ხალხის მიერ არჩეულ ორგანოს წარმოადგენენ და მათ ქალაქისთვის მნიშვნელოვანი გადაწყვეტილების მიღებაში ხმის უფლება აქვთ.
დღევანდელი განცხადება კიდევ ერთი მაგალითია იმისა, რომ ქუთაისის საკრებულოს რიგმა დეპუტატებმა დღემდე ვერ გაიაზრეს თუ რატომ მოყვა ნანა კოსტავას მიერ გაკეთებულ განცხადებას სრულიად საზოგადოების, არასამთავრობო სექტორის და სამოქალაქო აქტივისტების პროტესტი, რომ არჩეული დეპუტატი და საჯარო მოხელე, რომელიც ანაზღაურებას ხალხის მიერ გადახდილი გადასახადებიდან იღებს, არ შეიძლება მოქალაქეებს ესაუბროს სიძულვილის ენით, დემოკრატიული საზოგადოების მარტივი პრინციპების გაუაზრებლობა და უგულვებელყოფა მათი მხრიდან შესაბამისი ღირებულებების დეფიციტზე მიუთითებს.
ნანა კოსტავას დამცველი ალეკო ახალაძე მუდმივად ცდილობდა იერიში მიეტანა სამოქალაქო აქტივისტებზე. სწორედ, იმ კრიტიკული განცხადებებისა და აქტივობების გამო, რითიც ვცდილობდით მათთვის სწორედ, ამ ღირებულებების შეხსენებას.
დღევანდელ სხდომაზე მისი მოწოდება ქუთაისის მუნიციალიტეტის გენდერული საბჭოდან სამოქალაქო აქტივისტის გვანცა თოთაძის გარიცხვის თაობაზე სწორედ, ამის ნათელ მაგალითს წარმოადგენს. როგორც ვხედავთ გრძელდება სამოქალაქო აქტივისტებზე მიზანმიმართული თავდასხმა. მიუხედავად ამისა ალეკო ახალაძემ უნდა იცოდეს, რომ მისი უსუსური თავდასხმები ჯანსაღ აზრს ვერაფერს ავნებს და ჩვენ ყოველთვის გვექნება ადეკვატური რეაქცია ჩვენს ქალაქში და ქვეყანაში მიმდინარე ყველა მნიშვნელოვან მოვლენასთან დაკავშირებით,” – ნათქვამია სამოქალაქო აქტივისტების განცხადებაში.
შეგახსენებთ ქუთაისის საკრებულოს უმრავლესობის წევრი ალეკო ახალაძე გენდერული თანასწორობის საბჭოდან, საბჭოს წევრის, გვანცა თოთაძის გარიცხვის საკითხის დაყენებას მოითხოვდა. დეპუტატის თქმით, გვანცა თოთაძემ არ გააპროტესტა “გირჩი”-სა და ოპოზიციური პარტიების ისეთი ქმედებები, როგორიცაა პოლიციელისათვის შეურაცხყოფისა და სიწმინდეების შეურაცხყოფა.
“საბჭოს თითოეული წევრი თავის მოქმედებაში თავისუფალია. ეს საბჭო მოქმედებს დემოკრატიული პრინციპების შესაბამისად და ეს საბჭო მოქმედებს რომ გენდერული მიმართულებით გაძლიერდეს ადგილობრივი პოლიტიკა – განაცხადა გენდერული საბჭოს თავმჯდომარემ ირაკლი შენგელიან საკრებულოს გუშინდელ სხდომაზე.
