გერმანიის უმსხვილესი ავიაგადამზიდი კომპანია Lufthansa აცხადებს, რომ ზაფხულის პერიოდში აუქმებს 2 ათასზე მეტ ავიარეისს ფრანკფურტისა და მიუნხენის აეროპორტებიდან პერსონალის უკმარისობის გამო.
ორი კვირის წინ კომპანიამ გაავრცელა ინფორმაცია, რომ აუქმებდა 900-ზე მეტ შიდა რეისს ევროპის მასშტაბით, რომელიც უქმეებზე უნდა განხორციელებულიყო. „ახლა კი Lufthansa აცხადებს, რომ აუქმებს 2,2 ათას რეისს დაგეგმილი 80 ათასი რეისიდან ფრანკფურტის და მიუნჰენის ჰაბებიდან სხვა სამუშაო დღეებშიც კი“ – განუცხადეს ჟურნალისტებს კომპანიაში.
Lufthansa-ში განმარტავენ, რომ კომპანია განიცდის სერიოზულ დანაკლისს დასაქმებულები მხრივ, რამაც მნიშვნელოვნად შეცვალა მათი ზაფხულის გეგმები.
ამასთან, კომპანიის ინფორმაციით, ასევე შეიძლება შეიცვალოს ფრენის განრიგიც. „პილოტების უსაფრთხოების გამო გაფიცვები, ამინდი და კორონავირუსის გახშირებული შემთხვევები ქმნიან დამატებით წნეხს სისტემაზე“, – განაცხადეს კომპანიაში. ამ მიზეზების გამო ავიგადამზიდს მოუწევს რეისების გადახედვა მთელი ევროპის მასშტაბით.
რა თქმა უნდა, რეისების გაუქმების ან გადადების შესახებ ინფორმაციას მყისიერად მიიღებენ მგზავრებიც.
