ჩინეთში, ერთი ღამურიდან და ერთი ადამიანის ინფიცირებიდან დაწყებულმა COVID-19-მა მსოფლიოს ეკონომიკასა და სოციალურ ცხოვრებაზე ისეთი გავლენა იქონია, რომელსაც ძნელად თუ ვინმე იწინასწარმეტყველებდა. ასეთი კონკრეტული არჩევანი ადამიანების ეკონომიკურ კეთილდღეობასა და ჯანმრთელობას შორის იშვიათად თუ დამდგარა კაცობრიობის წინაშე. ერთადერთი ანალოგია ომთან შედარება თუ იქნება, და სწორედ ამიტომაც ბევრისთვის პანდემიასთან ბრძოლა სწორად ომთან იქნა გაიგივებული.
ზემოხსენებული არჩევანის პირობებში რა თქმა უნდა ეკონომიკამ და ფინანსებმა შედარებით მეორე პლანზე გადაიწია. სწორედ ამიტომაც ბოლო ორი წლის განმავლობაში მსოფლიო ეკონომიკა არათუ ჩამორჩა პროგნოზირებულ განვითარების ტემპს, არამედ უკანაც კი წავიდა. გაკოტრდა ბიზნესები, დაიხურა მაღაზიები, სასტუმროები, რესტორნები და ავიახაზები.
თუმცა, ბიზნესის ერთ-ერთი ხიბლი ხომ სწორედ მისი მედეგობაა გამოწვევების მიმართ. ეკონომიკის რიგმა სექტორმა მოახერხა მეტი სარგებელი ენახა შექმნილ ვითარებაში და იგივე სამედიცინო და ლაბორატორიულმა ბიზნესმა, და კიდევ უფრო აღსანიშნავად – ელექტრონულმა კომერციამ უფრო მეტი მომხმარებლების მოზიდვა შეძლო.
აღსანიშნავია ონლაინ ვაჭრობის სპეციფიკა. მიუხედავად იმისა რომ ეკონომიკური თვალსაზრისით ეს საქმიანობა ცალკე სფეროდ მოიაზრება, რეალურად ეს არის ეკონონიკური საქმიანობის ერთ-ერთი მექანიზმი, რომლის განხორციელებად ბაზრის არსებულ მოთამაშეებსაც შეუძლიათ.
სწორედ ეს გამოჩნდა კორონავირუსის მიმდინარეობის დროს. თითქოს კონსერვატიულმა კომპანიებმაც კი, რომლებიც ელექტრონულ კომერციას სკეპტიკურად უყურებდნენ, დაინახეს მისი მოქნილობა და უპირატესობები და შეეცადეს ამ მოდელის ინტეგრირება საკუთარ საწარმოებში.
ანალოგიურად გაიზარდა მოხმარების კომპონენტიც, რადგან სკეპტიკური მომხმარებლებიც ნაწილმაც გადადგეს მნიშვნელოვანი პირველი ნაბიჯი პირველი შენაძენის სახით, და ნათლად შეიგრძნეს ასეთი ტრანზაქციის დროს დროის, ენერგიისა და ხშირ შემთხვევაში დროის ეკონომიაც.
რა თქმა უნდა, იკომერსის წამყვანი კომპანიებმა ამ ტრენდით მეტი სარგებლის მიღება შეძლეს. მაგალითად ელექტრონული კომერციის ყველაზე მსხვილი ონლაინ მაღაზია – Isurve.ge ამ პერიოდში 300%-ით გაიზარდა და ბაზარზე ლიდერის პოზიცია კიდევ უფრო გაიმყარა.
ისურვეს წარმატებაში, გარდა საიტზე წარმოდგენილი ასორტიემეტის ზრდისა, მნიშვნელოვანი როლი ქართული ბაზრის სპეციფიკამ ითამაშა. 300,000-ზე მეტმა არსებულმა მომხმარებელმა ერთგვარი რეკომენდატორის როლი შეასრულა, რადგან კომპანიასთან დადებითი გამოცდილებასა და მეგობრის რჩევას ჩვენს ქვეყანაში დიდი როლი ენიჭება. როგორც ჩანს, მოქნილი საგარანტიო სერვისი და უფასო მიწოდება საქართველოს ყველა სოფელსა თუ ქალაქში ელექტრონულ კომერციაში წარმატების წინაპირობაა.
