ქუთაისის საკრებულოს წევრი ალეკო ახალაძე მეგა ტვ-ს ეთერში გამოთქმულ მოსაზრებაზე კომენტარს სოციალურ ქსელში ვრცელ კომენტარს ავრცელებს, რასაც უცვლელად გთავაზობთ:
,,ტელეკომპანია “მეგა” – ს პირდაპირ ეთერში ჩემს მიერ გაჟღერებულმა მოსაზრებამ – დანაშაულის რაოდენობრივ ზრდასა და სასჯელაღსრულების დაწესებულებებში არსებულ მიღწევებს შორის გარკვეულ მიზეზ-შედეგობრივი შესაძლო კავშირის შესახებ, სხვადასხვა ადამიანების მხრიდან განსხვავებული დამოკიდებულება გამოიწვია.
აღნიშნულის გათვალისწინებით,საჭიროდ მიმაჩნია გავაკეთო დამატებითი განმარტება,რაც ვფიქრობ,რომ უფრო ნათელს მოჰფენს ჩემს აზრს.
ხშირად მომისმენია,რომ ბოლო წლებში ციხიდან გამოსული,უკვე სასჯელმოხდილი ადამიანები ცალსახად აღნიშნავენ სასჯელაღსრულებით დაწესებულებებში პატიმართა ცხოვრების პირობებისა და მათ მიმართ ადამიანური დამოკიდებულების გაუმჯობესების შესახებ.
მისასალმებელია და მიღწევაა ის,რომ სასჯელაღსრულებით დაწესებულებებში რადიკალურად დადებითისკენ შეიცვალა სიტუაცია.
ამასთან, უნდა ითქვას,რომ სერიოზულად ჩამაფიქრა სასჯელმოხდილის მიერ გაკეთებულმა უჩვეულო დასკვნამ,
რომ – თავისუფლებაზე ყოფნის დროს თუ ადამიანს “ნაცების” რეჟიმის დროს, ბევრ შეურაცხყოფაზე უწევდა თვალის დახუჭვა, რადგან არავის არ უნდოდა სააკაშვილისა და ახალაიას აუტანელი ციხეების ხეხვა, ახლა იგი ისე აღარ მოითმენს და დაუფიქრებლად დაიცავს საკუთარ ღირსებას,
რადგან დღეს, ციხეებში არსებული მდგომარეობა და პირობები, ძველებურად აღარ აშინებს! როდესაც ამ საკითხზე დავფიქრდი, მივედი იმ დასკვნამდე,რომ შესაძლებელია გვეფიქრა დანაშაულის ზრდასა და სასჯელაღსრულებით დაწესებულებებში პატმართა ცხოვრების პირობების გაუმჯობესებას შორის გარკვეულ შესაძლო კავშირსა და კანონზომიერებაზე.
კერძოდ, თუ პოტენციური დამნაშავესთვის არავითარ საშიშროებას არ წარმოადგენს ციხეში მოხვედრა – იგი სამწუხაროდ,უფრო თამამია დანაშაულის ჩადენის გადაწყვეტილების მიღებაში !
დავასწრებ მკითხველის გონებაში გაჩენილ მოსაზრებას,
და ვიტყვი,რომ საუბარი იქეთკენ არ მიმყავს, თითქოს სასჯელაღსრულებით დაწესებულებებში პატიმართა მიმართ არაადამიანური და ღირსების შემლახველი დამოკიდებულების აღდგენის მომხრე ვიყო ! რა თქმა უნდა – არა!
თუმცა, მიმაჩნია,რომ სასწრაფოდ არის მოსაფიქრებელი ისეთი ქმედითი პრევენციული ღონისძიებები,რომლებიც ციხეებში პირობების გაუმჯობესების მიუხედავად და მის პარალელურად, ადამიანს არავითარ შემთხვევაში არ აფიქრებინებდა დანაშაულის ჩადენასა და სასჯელის იოლად მოხდის შესახებ და პირიქით, დააშინებდა კიდეც და ხელს ააღებინებდა მას,უმნიშვნელო უკანონობის ჩადენისგანაც !
ალბათ, გასამკაცრებელია დამოკიდებულება დანაშაუ
ლის ჩამდენების მიმართ მანამ,სანამ ისინი დანაშაულს ჩაიდენენ,რადგან “ნაცების” მმართველობის პერიოდთან შედარებით,იცის რა,რომ ციხეებში ადრინდელი აუტანელი პირობები არ არის – დღეს, პოტენციური დამნაშავე უფრო დაუფიქრებლად მიდის ციხეში, რაც ზოგადად მიუღებელია და აუხსნელია,თუმცა ფაქტია და ეს დანაშაულის რაოდენობის ზრდასაც უწყობს ხელს!
ვფიქრობ, აუცილებელია იმაზე ფიქრიც,რომ ადამიანის უფლებების დაცვის აღიარებული საერთაშორისო ნორმების ჩარჩოებში, ციხეებში დამნაშავეთა მიმართ, მოფიქრებული იქნას და დაწესდეს ურთიერთობის ისეთი ფორმები რომელთა წარმოდგენაც კი, პოტენციურ დამნაშავეებში გააძლიერებს თავშეკავებას და მორიდებას დანაშაულის ჩადენის კუთხით! …ოღონდ, კვლავ ხაზგასმით მინდა ავღნიშნო,რომ ნებისმიერი ახალი პრევენციული ღონისძიება მკაცრად უნდა პასუხობდეს ადამიანის უფლებების დაცვის პრინციპებს!
დარწმუნებული ვარ, პრობლემის ასეთი კუთხით წარმოჩენა ბევრისთვის უცხოა და შესაძლებელია საკამათოც,მაგრამ ჩვენ საერთო სოციუმის წევრები ვართ და კარგი იქნება და აუცილებელიც,თუ საერთო ძალისხმევით ვიბრძოლებთ მის დასაძლევად!” -წერს ალეკო ახალაძე.
