,,ტორპედო” ქუთაისმა ბოლო სამი წლის განმავლობაში არსებული დავალიანება სრულად დაფარა – ამის შესახებ ინფორმაციას სოციალურ ქსელში ტორპედოს ოფიციალური გვერდი ავრცელებს:
“გუნდმა მოახერხა და გაისტუმრა ყველა ფინანსური ვალდებულება, რომელიც აქამდე ჰქონდა. კლუბი ახალ სეზონს დავალიანების გარეშე შეხვდება!
ჩვენ მადლობა გვინდა გადავუხადოთ ყველას, ვინც წვლილი შეიტანა აღნიშნული პრობლემის მოგვარებაში. განსაკუთრებული მადლობა ქუთაისის მერ ბატონ იოსებ ხახალეიშვილს და მის გუნდს, აგრეთვე იმერეთის რწმუნებულ ზვიად შალამბერიძეს, საქართველოს ფეხბურთის ფედერაციასა და ფეხბურთის განვითარების ფონდს.” – ვკითხულობთ ტორპედოს ოფიციალურ ფეისბუკ გვერდზე.
“ქუთაისის ტორპედოს დავალიანება აღარ აქვს 
პირველ რიგში მადლობა გულშემატკივრებს,მადლობა ყველა იმ ერთგულ ადამიანს ვინც გუნდის გვერდით ბოლომდე იდგა როგორც შეეძლო და მადლობა ყველას ვინც მცირე წვლილი მაინც შეიტანა.. იმედიანად ვარ უფრო იმედიანი მომავლის მოლოდინში ახლა მთავარი ძლიერი ინვესტორია ისეთი როგორც შეეფერება ტორპედოს!” – წერს ტორპედოს ფან კლუბის წევრი ქეთა ჯალაღანია სოციალურ ქსელში.
