უნარებზე საწარმოთა მოთხოვნის კვლევა 2020-ის მიხედვით, 2019 წლის 1 სექტემბრის მდგომარეობით დასაქმებულთა უმრავლესობა თბილისზე მოდის (64.8%).
სხვა რეგიონების მიხედვით კი დასაქმებულთა გადანაწილებამ შემდეგი სურათი გამოკვეთა: 9.2% – აჭარა, 6.7% – იმერეთი, 5.3% – ქვემო ქართლი, 3.8% – სამეგრელო, 3.1% – კახეთი, 2.4% – შიდა ქართლი, 1.7% – მცხეთა-მთიანეთი, 1.6% – სამცხე-ჯავახეთი, 1.1% – გურია, ხოლო – 0.3% რაჭა-ლეჩხუმი.
რაც შეეხება დასაქმებულთა კონკრეტულ რაოდენობას, რეგიონების მიხედვით, ასე გამოიყურება:
- თბილისი – 529, 053 დასაქმებული (2018 წელთან შედარებით 5,4%-ით გაიზარდა)
- აჭარა – 75, 414 (+4,7%)
- იმერეთი – 54,338 (+2.7%)
- ქვემო ქართლი – 42,956 (+0.7%)
- სამეგრელო-ზემო სვანეთი – 31,296 (+5.8%)
- კახეთი – 24,914 (+2.1%)
- შიდა ქართლი – 19,240 (-2.8%)
- მცხეთა-მთიანეთი – 14,197 (+23.8%)
- სამცხე-ჯავახეთი – 12,723 (+1.7%)
- გურია – 9,371 (+13.7%)
- რაჭა-ლეჩხუმი და ქვემო სვანეთი -2,665 (+13.5%)
აღსანიშნავია, რომ წინა წლის ანალოგიურ პერიოდთან შედარებით, დასაქმებულთა რაოდენობის ყველაზე მაღალი ზრდა მცხეთა-მთიანეთის რეგიონში დაფიქსირდა (+23.8%), მას მოჰყვება: გურია (13.7%) და რაჭა-ლეჩხუმი ქვემო-სვანეთი (13.5%). დედაქალაქში დასაქმებულთა რაოდენობა 5.4%-ით არის გაზრდილი. ერთადერთ რეგიონი, სადაც 2019 წლის 1 სექტემბრის მდგომარეობით, წინა წლის ანალოგიურ პერიოდთან შედარებით, დასაქმებულთა რაოდენობა შემცირდა, არის შიდა ქართლი (-2.8%).
ცნობისთვის, აღნიშნული კვლევა ეკონომიკისა და მდგრადი განვითარების სამინისტროს, შრომის ბაზრის საინფორმაციო სისტემამ “დაგეგმე მომავალი” ჩაატარა.
bpn.ge
