11 ივლისს, ევროკავშირის წარმომადგენლობა საქართველოში „ევროპის დღეს“ შავი ზღვის სანაპიროზე აღნიშნავს. ღონისძიებები 11:30 საათზე სასტუმრო ჰილტონში დაიწყება, რომელიც თავს უყრის ევროკავშირის წევრ ქვეყნებს, ევროკავშირის მიერ დაფინანსებულ პროექტებს, პარტნიორ ორგანიზაციებს, კულტურის სფეროს წარმომადგენლებს და ფართო საზოგადოებას, რათა კიდევ ერთხელ გავუსვათ ხაზი ევროკავშირისა და საქართველოს პარტნიორობას, რომელიც 30 წელზე მეტს ითვლის.
აქტივობები ღონისძიებაზე:
ევროპის გუნდი (TEAM EUROPE)ეწვიეთ ინტერაქციულ სივრცეს, სადაც ევროკავშირის წევრი ქვეყნების საელჩოები წარმოგიდგენენ იდეებს, გამოგონებებსა და აღმოჩენებს, რომლებიც ევროპამ მსოფლიოს აჩუქა და რომელმაც თანამედროვე სამყარო შექმნა.
ევროკავშირის პროექტები – პარტნიორობის 30 წელზე მეტიგაეცანით ევროკავშირსა და საქართველოს შორის თანამშრომლობის სამ ათწლეულს რეალური ისტორიების, გამოცდილების გაზიარების, ინტერაქციული თამაშების, საინტერესო ინსტალაციების და აქტივობების საშუალებით.
Live პოდკასტი „ჩემი ევროპა, ჩემი მომავალი“დაიკავეთ ადგილი ჩვენი პოდკასტის სტუდიაში და გახდით საინტერესო საუბრების ნაწილი ევროპის, საქართველოსა და ჩვენი საერთო მომავლის შესახებ. თქვენ მხოლოდ მსმენელი კი არა, დიალოგის მონაწილეც გახდებით.
მწვანე კუთხეაღმოაჩინეთ ნივთების ხელახალი გამოყენების, შეკეთებისა და განახლების პრაქტიკული გზები. გაეცანით, როგორ მუშაობენ ევროკავშირი და საქართველო ერთად უფრო მწვანე მომავლისთვის პრაქტიკული ვორქშოპების მეშვეობით, რომლებიც გარემოსდაცვით იდეებს სახალისოსა და ხელშესახებ ხდის.
პრაქტიკული ფოტოგრაფიის ვორქშოპიიმუშავეთ რეალურ ღონისძიებაზე პროფესიონალი ფოტოგრაფების მენტორობით. შეიძინეთ გამოცდილება, დახვეწეთ ხედვა და აღბეჭდეთ „ევროპის დღე“ საკუთარი ობიექტივით.
VR მოგზაურობაგაიკეთეთ ვირტუალური რეალობის სათვალე და იმოგზაურეთ ევროპის 20-ზე მეტ ქალაქში.
საბავშვო თეატრი „გაფუჭებული ტელეფონი“„თამაშობანას“ სახალისო და ინტერაქციული სპექტაკლი, რომელიც სპეციალურად ახალგაზრდა მაყურებლისთვისაა შექმნილი.
ცოდნის ბორბალიშეამოწმეთ თქვენი ცოდნა ევროკავშირისა და მისი წევრი ქვეყნების შესახებ ჩვენს ინტერაქციულ ვიქტორინაში და მოიგეთ პრიზები!
მთავარი სცენამოუსმინეთ სასკოლო ანსამბლების, გუნდებისა და ნიჭიერი ადგილობრივი მოსწავლეების ცოცხალ შესრულებას მთელი დღის განმავლობაში.
კონცერტი – ბულვარიდაასრულე დღე ცოცხალი მუსიკით ნათია თოდუას და Mechanical Rainbow-ს შესრულებით, რომელიც საღამოს ენერგიით, ემოციითა და სადღესასწაულო განწყობით შეავსებს.
18:00 – 18:30 – ნათია თოდუა
19:00 – 20:30 – Mechanical Rainbow
ვებგვერდი: https://eu4georgia.info/43mQTzx
