“როგორ გაწირეს ქირურგებმა ბარიატრიული პროგრამა ანუ რატომ შეწყდა ბარიატრიული ოპერაციების დაფინანსება?”- წერს სოციალურ ქსელში ფეისბუქ გვერდი ყველაფერი მედიცინაზე
“სისტემური „ჩავარდნა“ თუ ექიმების პასუხისმგებლობა.
სამინისტრომ ოფიციალურად დაადასტურა ის, რაზეც უკვე ვსაუბრობდით: სახელმწიფო პროგრამა, რომელიც BMI > 40-50 პაციენტებს ეხმარებოდა, შეჩერებულია.
მიზეზი შოკისმომგვრელი სტატისტიკა:
საკონტროლო სკრინინგზე გამოძახებულთა 44% საერთოდ არ გამოცხადდა.
გამოცხადებული 56%-ის აბსოლუტურ უმრავლესობასთან დაფიქსირდა შეუსაბამობა ექიმის მიერ გაცემულ დოკუმენტაციასა და პაციენტის რეალურ მდგომარეობას შორის.
მარტივად რომ ვთქვათ, ხდებოდა დოკუმენტების გაყალბება და არასაჭირო ოპერაციების ჩატარება მხოლოდ ფინანსური სარგებლის გამო.
Შესაბამისად მივმართავ პაციენტთა სახელით ამ ქირურგებს,
„მადლობა“ ბარიატრიულ ქირურგებს, რომლებმაც საკუთარი ამბიციებისა და ჯიბის გასქელების გამო, რეალურად საჭიროების მქონე პაციენტებს სახელმწიფო დაფინანსების შანსი წაართვეს. ზოგიერთი მათგანი ამ „მიღწევებს“ სოციალურ ქსელებში ამაყადაც კი აზიარებდა. (აი ფოტოზევე რომ ჩანდა რომ ამ ადამიამის BMI ვერ იქნებოდა ფიზიკურად 40 და ოპერაციას მხოლოდ იმიტომ იკეთებს რომ ზარმაცია და ეზარწბა წონაში კლებისთვის შრომა)
სამართლებრივი ღონისძიებები ტარდება, მაგრამ საქმე უკვე გაფუჭებულია – ნდობა დაკარგულია, დაზარალებული კი ისევ პაციენტია.
საინტერესოა, იგივე ტიპის კონტროლი სხვა ქირურგიულ მიმართულებებზეც რომ ჩატარდეს, იქ რა სურათს მივიღებთ? (კარდიოქირურგიას და ზოგად ქირუეგიას გადაამოწმებდა კაცი პირველ რიგში)”- ვკითხულობთ ვრცელ პოსტში.
