6 თვეში საქართველოში რუსეთის 26 871 მოქალაქე დარჩა
უფრო კონკრეტულად, 2025 წლის 6 თვეში რუსეთის ფედერაციიდან საქართველოში 498 726 მოქალაქე შემოვიდა. აღსანიშნავია, რომ ამავე საანგარიშო პერიოდში საქართველოდან უკან, ჩრდილოეთში 471 855 გავიდა. შესაბამისად, გამოდის, რომ წელს იანვარ-ივნისში რუსეთის 26 871 მოქალაქე საქართველოში დარჩა, ყოველ შემთხვევაში, ჯერჯერობით.
რაც შეეხება სხვა ქვეყნებს, საზღვრის კვეთის მხრივ მეორე ადგილზეა თურქეთი, მესამეზე – სომხეთი, რომელსაც მოჰყვება ევროკავშირის ქვეყნები, ხუთეულს კი ისრაელი ხურავს.
ქვეყნების პირველი ექვსეული და ევროკავშირი კვეთების რაოდენობის მიხედვით (2025 წლის 6 თვე):
- რუსეთის ფედერაცია – შემოსვლა – 498 726, გასვლა – 471 855;
- თურქეთი – შემოსვლა – 333 953, გასვლა – 340 050;
- სომხეთი – შემოსვლა – 275 138, გასვლა – 271 974;
- ევროკავშირის ქვეყნები – შემოსვლა – 137 586, გასვლა – 130 690;
- ისრაელი – შემოსვლა – 102 037, გასვლა – 103 881;
- აზერბაიჯანი – შემოსვლა – 85 371, გასვლა – 81 360;
- ინდოეთი – შემოსვლა – 57 412, გასვლა – 59 835;
ამასთან, შინაგან საქმეთა სამინისტროს საზღვრის კვეთის სტატისტიკური მონაცემების მიხედვით, 2025 წლის იანვარ-ივნისში საქართველოდან უცხო ქვეყნის 1 851 009 მოქალაქე გავიდა.
