“30 ათასი დახარჯეს და ახლა გაახსენდათ ხალხი” – ასე ეხმაურება “ერთიანი ნაციონალური” მოძრაობის ფრაქციის თავმჯდომარე ქუთაისის საკრებულოში გიგა შუშანიამ 100 საფეხურიანი კიბის რეაბილიტაციის პროექტის შეწყვეტასა და რეაბილიტაციის პროექტისთვის საჯარო განხილვების მოწყობის დაწყებას. მისი თქმით ქუთაისის მერიამ ამ პროექტს 3 წელია ვერ მოაბა თავი:
“100 საფეხურიანი კიბე არის სახე ქუთაისში “ქართული ოცნების” მოღვაწეობისა. ეს უკავშირდება არაპროფესიონალიზმს, უცოდინრობას, თავვმოუბმელობას, ფარულ გარიგებას, კორუფციას ტენდერებში და ასე შემდეგ. 3 წელია, რაც მოვიდა ახალი მერი და დაანონსა ეს პროექტი, ჯერ თავი ვერ მოაბერს პროექტირებას, რამდენიმე ტენდერი გამოაცხადეს, შემდეგ 30 ათასი დახარჯეს კონკრეტულ პროექტში და გამოცხადებული პროექტი მორგებული იყო ბიძინა ივანიშვილის მეზობელზე, რომელიც შემდეგ პედოფილიისთვის დააკავეს. ამის შემდეგ რატომღაც გადაწყვიტეს და საერთოდ გააუქმეს ტენდერი, მით უმეტეს რომ ახალი პრედენტენდი უკვე იყო და მას მოწესრიგებული ჰქონდა საბუთები. ეს იმას ადასტურებს რომ ტენდერი მორგებული იყო კონკრეტულად ბიძინა ივანიშვილის მეზობელზე. და ისედაც, ის არგუმენტი რომ ახლა გაახსენდათ რომ ხალხს აზრი ჰკითხონ, როდესაც სამი წელია მიმდინარეობს ამ პროექტზე საუბარი, ეს არის სირაქლემას პოზიცია და ეს არის კიდევ ერთი ნათელი მაგალითი როგორ მუშაობს ქართული ოცნება ქუთაისში.” – განაცხადა “ერთიანი ნაციონალური” მოძრაობის ფრაქციის თავმჯდომარემ ქუთაისის საკრებულოში გიგა შუშანიამ.
შეგახსენებთ, მერიის ასსაფეხურიანი კიბის რეაბილიტაციის პროექტი, მას შემდეგ შეწყდა, რაც გამარჯვების პრედენდენტი უკვე გამოკვეთილი იყო. რაც შეეხება პროექტს, მერიამ მის შესაძენად 30 ათასი ლარი ტენდერით გამარჯვებულ კომპანიას გადაუხადა.
როგორი იქნება განახლებული 100 საფეხურიანი კიბე – ტენდერის ღირებულება 15 000 ლარით გაიზარდა