ქუთაისის მუნიციპალიტეტის მერიაში შშმ პირთა უფლებების დაცვისა და ინტეგრაციის საბჭოს მე-11 სხდომა გაიმართა. სხდომას უძღვებოდა ქუთაისის მერის მოადგილე ნინო თვალთვაძე.
შეხევდრაზე განიხილეს ქუთაისის შშმ პირთა მხარდაჭერის , კონსულტაციის და საინფორმაციო/გადამისამართების ცენტრის მიერ მომზადებულ წერილში შემოთავაზებული საკითხები.
მომავალი წლის ბიუჯეტში, შშმ პირთა უფლებების დაცვის კონვენციის პრინციპების გათვალისწინებით, დაინერგება ახალი პროგრამები, რომლითაც 18 წელს ზემოთ შშმ პირების პირველადი საჭიროებებით უზრუნველყოფა მოხდა.
ამის შესახებ ქუთაისის მუნიციპალიტეტის მერიაში შშმ პირთა უფლებების დაცვისა და ინტეგრაციის საბჭოს სხდომაზე გახდა ცნობილი. სხდომას უძღვებოდა ქუთაისის მერის მოადგილე ნინო თვალთვაძე.
როგორც შეხვედრაზე ითქვა შშმ პირებისთვის მომზადდება პერსონალური ასისტენტები და მათი პირადი საცხოვრებელი ფართის ინდივიდუალური ადაპტირების პროცესიც დაიწყება. დაფინანსდება მექანიკური ეტლ-სავარძლების მორგებისა და შეკეთების სერვისის პროგრამა. მიმდინარეობს მუშაობა პარა-სპორტის განვითარების პროგრამაზე. 18 წელს ზემოთ შშმ პირებისთვის წარმოდგენილი იქნა „ფიზიკური აქტივობისა და რეაბილიტაციის პროექტი“.
სხდომის მონაწილეებმა ასევე იმსჯელეს მომავალი წლის ბიუჯეტიდან უსინათლო პირებისთვის ფულადი კომპენსაციის გამოყოფასა და მათთვის ადაპტირებული სამედიცინო ხელსაწყოების გადაცემაზე.
