ლეონ ჭელიძე კარტინგში იტალიის ჩემპიონატის მეორე ეტაპის გამარჯვებულია
10 წლის ქართველმა მრბოლელმა ლეონ ჭელიძემ კარტინგში იტალიის ჩემპიონატის მეორე ეტაპზე წარმატებით იასპარეზა. სპორტსმენმა რბოლა მეხუთე პოზიციიდან დაიწყო და პირველ ადგილზე დაასრულა. მეორე ადგილი იტალიელ სპორტსმენს ერგო, მესამე კი ესტონელმა მრბოლელმა დაიკავა.
იტალიის ჩემპიონატის მეორე ეტაპზე 13 ქვეყნის 30 სპორტსმენი მონაწილეობდა. ქართველმა მრბოლელმა ამ გამარჯვებით 50 ქულა მოიპოვა.
საქართველოს კულტურისა და სპორტის სამინისტრო აქტიურად განაგრძობს თანამშრომლობასა და სხვადასხვა სახის პროექტების განხორციელებას საავტომობილო სპორტის ფედერაციასთან, რათა ქართველმა მრბოლელებმა შეძლონ მაღალი რანგის საერთაშორისო შეჯიბრებებში მონაწილეობის მიღება.
თბილისში ბავშვს დენმა დაარტყა
თბილისში, ნაძალადევის რაიონში ბავშვს დენმა დაარტყა. შემთხვევა ცოტა ხნის წინ მეორე ძმობის ქუჩაზე მოხდა. არასრულწლოვანი საავადმყოფოში გადაიყვანეს. შემთხვევის ადგილი ყვითელი ლენტოთაა შემოსაზღვრული. ამ ეტაპზე უცნობია დაშავებულის მდგომარეობა.
