იმერეთის “ანტიკორუფციულ მოძრაობ”-ის ოფისში ერთობლივი ბრიფინგი გამართა. ხონის ფრაქცია ნაციონალური მოძრაობის თავმჯდომარის ზვიად ჩიმაკაძის განცხადებით ხონში არსებული ტენდერების უმრავლესობას “შპს როსტვერკი” და შპს “ჯ და ჯ” იგებენ ,კომპანიის დირექტორი კი ქართული ოცნების დეპუტატი წყალტუბოს საკრებულოში ჯეირან ომანაძეა ,რომელმაც ამასთან ქართულ ოცნებას შემწირველია.
“ეს პირი არის წყალტუბოს საკრებულოს წევრი. ფაქტიურად იკვეთება ტენდენცია, რომ სხვადასხვა რაიონები გარიგებაში არიან ერთმანეთთან. ორი კომპანი აქვს “შპს როსტვერკი” და შპს “ჯ და ჯ ” იგებს ტენდერებს კონკურენციის გარეშე, ერთპიროვნულად, საგზაო ინფრასტრუქტურის მოწყობასთან დაკავშირებით . ფაქტიურად ხონის ბიუჯეტის ნახევარი მის ჯიბეში მიდის. ისეც ხდება, რომ ხშირად მისი ეს ორი კომპანია ერთმანეთს უწევს კონკრენეციას. არჩევნებია ერთადერთი გზა მდგომარეობის შესაცვლელად. არ უნდა დავუჭიროთ მთავრობას მხარი, რომელიც ფაქტიურად თქვენ ჯიბეში აფათურებს ხელს.”-განაცხადა ბრიფინგზე ზვიად ჩიმაკაძემ.
“დადასტურებულად შეიძლება ითქვას, რომ საქმე გვაქვს კორუფციულ გარიგებასთან ქართული ოცნების დეპუტატი წყალტუბოს საკრებულოში, იგებს ტენდერებს ხონში. ასევე ეს ადამიანი არის ქართული ოცნების შემწირველი , მას პარტიისთის შეწირული აქვს 120 000 ლარი. ჩვენ არ ვართ საგამოძიებო უწყება, რომ საქმეს მსვლელობა მივცეთ , მაგრამ აღნიშნული ფაქტები საკმარისია იმისათვის, რომ ვთქვათ რომ საქმე გვაქვს კორუფციულ გარიგებებთან .”-აღნიშნა თემურ ცამციშვილმა ანტიკორუფციული მოძრაობის იმერეთის ორგანიზაციის თავმჯდომარემ .
ბაქარ ახობაძის განცხადებით ანტიკორუფციული მოძრაობა,აქტიურად სწავლობს იმერეთში არსებულ კორუფციულ ფაქტებს და ყველა მსგავსი ფაქტი საჯარო გახდება მოსახლეობისთვის,და ასევე ბაქარ ახობაძის განცხადებით მსგავსი ვითარებაა იმერეთის თითქმის ყველა რაიონში.
