2025 წლის ივნისში თვიური ხელფასის მიმღებთა რაოდენობა მაისთან შედარებით 0.5%-ით, ხოლო წინა წლის ივნისთან შედარებით 3.4%-ით გაიზარდა. ამის შესახებ PMC კვლევითი ცენტრის მიერ გამოქვეყნებულ ახალ მონაცემებშია აღნიშნული.
უფრო კონკრეტულად, PMC კვლევითი ცენტრის პუბლიკაციის მიხედვით, მიმდინარე წლის ივნისში ყოველთვიურად ხელფასს 997 254 პირი იღებდა.
„2025 წლის ივნისში იმ ადამიანების რაოდენობა, რომლებიც იღებდნენ 0-დან 600 ლარამდე თვიურ ხელფასს, 12.4%-ს შეადგენდა, რაც 2025 წლის მაისთან შედარებით 0.2 პროცენტული პუნქტით, ხოლო 2024 წლის ივნისთან შედარებით 3.3 პროცენტული პუნქტით შემცირებული მაჩვენებელია.
ივნისში ყოველთვიურად ხელფასს 997 254 პირი იღებდა
მიმდინარე წლის ივნისში იმ ადამიანების რაოდენობა, რომლებიც იღებდნენ 9 600 ლარს ან მეტ თვიურ ხელფასს, 2.8%-ს შეადგენდა, რაც 2025 წლის მაისთან შედარებით 0.1 პროცენტული პუნქტით, ხოლო 2024 წლის ივნისთან შედარებით 0.6 პროცენტული პუნქტით გაზრდილი მაჩვენებელია“, – აღნიშნულია PMCG-ის პუბლიკაციაში.
კვლევის მიხედვით, მიმდინარე წლის ივნისში ხელფასის მიმღებთა შორის უდიდესი ნაწილის – 35%-ის ყოველთვიური ანაზღაურება 1 200 ლარიდან 2 399 ლარის ფარგლებში იყო. ამავე დროს, ხელფასის მიმღებთა 33%-ს სახელფასო შემოსავალი აჭარბებდა 2400 ლარს, 20%-ის ხელფასი 600-1199 ლარის ფარგლებში მერყეობდა, 12%-ის ანაზღაურება კი 599 ლარამდე იყო.
