„წინაზე 3 ყალბი მაჩვენებელი წარმოადგინეს. ერთი – ე.წ. „პივიტი“, პარალელური დათვლის შედეგები, თქვეს, რომ ამ „პივიტის“ ასცდა ცესკოს შედეგები და მერე გაირკვა, რომ პირიქით, თვითონ გააყალბეს ეს „პივიტი“ და პირიქით, „პივიტი“ ასცდა ცესკოს შედეგებს, ეს იყო პირველი სიყალბე. მეორე სიყალბე ეხებოდა ზედმეტობებს – მათ თქვეს, რომ ზედმეტობები დაფიქსირდა საარჩევნო უბნების 8 პროცენტში და ამ დროს დადგინდა, რომ მხოლოდ 8 უბანზე დაფიქსირდა ზედმეტობა, ანუ 8 უბნის მაგივრად თქვეს 300 უბანი, ეს იყო მეორე ყალბი ინფორმაცია და მესამე იყო ის, ასევე ყალბი ინფორმაცია გაავრცელეს, რომ თითქოს, ცესკომ სერიოზული დაგვიანებით გამოაქვეყნა არჩევნების შედეგები, როცა დაგვიანება საერთოდ არ იყო, არსებული პრაქტიკის მიხედვით, ღამის 4 საათი იყო, თუ არ ვცდები, როცა ცესკომ გამოაქვეყნა არჩევნების შედეგები. ამ 3 „ფაქტზე“ დაყრდნობით, დაახლოებით 30-მა „ენჯეომ“ ერთად დადო დასკვნა იმაზე, რომ ეს იყო ყველაზე ცუდი არჩევნები ლამის საქართველოს ისტორიაში. ჯერ „ენჯეოებმა“ უნდა დადონ უარყოფითი დასკვნა, ამას უნდა მოჰყვეს კოლექტიური „ნაცმოძრაობის“ პარტიების გამოსვლები, იქ შემდეგ სალომე ზურაბიშვილი რაღაცას იტყვის, მერე გამოვა კუბილიუსი და ა.შ. ერთი და იგივე თავს მოხვეული მომაბეზრებელი სცენარი, რომელსაც ვერანაირი გაყიდვის რესურსი ვეღარ ექნება ამ ქვეყანაში. იმდენჯერ გააკეთეს ეს ყველაფერი, არსებობს გამონათქვამი, რომ ერთ მდინარეში ორჯერ ვერ შეხვალო, მითუმეტეს 7-ჯერ ვერ შეხვალ ერთ მდინარეში, 2012 წელს სცადეს, რომ არჩევნები არ ეღიარებინათ, შემდეგ 2016 წელს ჰქონდათ მცდელობა, 2020 წელს ჰქონდათ იგივე მცდელობა, რამდენჯერ უნდა გააკეთო ეს ყველაფერი, ხალხი დაღლილია ამ ყველაფრით. მითუმეტეს, იმ ფონზე, როცა ჩვენი გამარჯვება იქნება ძალიან დამაჯერებელი. ჩვენ გვაქვს ამბიცია თუნდაც საკონსტიტუციო უმრავლესობაზე და თუ საუბარი გვაქვს ჩვენ 60/20 თანაფარდობაზე, ამ შემთხვევაშიც საკონსტიტუციო უმრავლესობის მიღებაც არის საკმაოდ რეალური. იქ 1-მა, 2-მა პროცენტმა შეიძლება გადაწყვიტოს საკონსტიტუციო უმრავლესობის ბედი, საბოლოო ჯამში, მაგრამ საკმაოდ რეალურია ეს ყველაფერი. როცა ყველა იხილავს, რომ არის დამაჯერებელი გამარჯვება, ასეთ შემთხვევაში კიდევ უფრო მარტივად ჩავარდება ის სცენარი, რომელიც წინასწარ შეგვიძლია დავაანონსოთ, იმიტომ რომ ეს არის მათი გეგმა,“- აღნიშნა პრემიერმა.
ავარიას 1 ადამიანი ემსხვერპლა
ადიგენის მუნიციპალიტეტის, სოფელ ბოლაჯურთან მომხდარ ავარიას 1 პირი ემსხვერპლა- ინფორმაციას TOK2Region ავრცელებს. შსს-ს ცნობით გამოძიება სსკ-ის 276-ე მუხლითაა დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
