ბოლო ორ კვირაში ჩინეთში, რუსეთისა და აშშ-ში კორონავირუსით დაიფიცირებულთა სტატისტიკა მკვეთრად განსხვავდება.
ოფიციალური ცნობით, ჩინეთში დაინფიცირებულთა ახალი შემთხვევები მნიშვნელოვნად იკლებს და მათი უმეტესობა, 31 ახალი შემთხვევიდან -29 იმპორტირებულია.
დაინფიცირებულთა საერთო რაოდენობა 82 464 -ია, გარდაცვლი-3,326 და გამოჯანმრთელებული – 76,724-ია.
რუსეთში კორონავირუსით ინფიცირებულთა რიცხვი ოფიციალური სტატისტიკის მიხედვით, მნიშვნელოვნად გაიზარდა . გარდაცვალების–30 გამოჯანმრთელების- 235, ხოლო დაინფიცირებულთა 3,548 შემთხვევა ფიქსირდება.
ვრცელდება მოსაზრება, რომ ტოტალიტარული ქვეყნები ზუსტ მონაცემებს მალავენ და მათ შორის რუსეთიც მოიაზრება. ვარაუდობენ, რომ რუსეთში გარდაცვლილთა და დაინფიცირებულთა რაოდენობა ისე, როგორც ჩინეთში , გაცილებით მეტია. ჩინეთმა თავიდანვე უარი თქვა უცხოელი სპეციალისტების დახმარების მიღებაზე. თუმცა ამ ორი ქვეყნიდან მიღებული დახმარებაც და მომსახურების შესყიდვაც არა ერთ ქვეყანაში, საეჭვო კომპონენტებს შეიცავდა ხარისხისა და სანდოობის კუთხით.
აშშ-ში პანდემია პიკს უახლოვდება და მსოფლიოში დაინფიცირებულთა რაოდენობის მიხედვით ლიდერობს. გარდაცვლილთა რიცხვიმა 6,057-ს, ხოლო დაინფიცირებულთა – 245,559-ს მიაღწია. გამოჯანმრთელებულია-9,228 ადამიანი.
რუსეთმა ჯერ კიდევ , იანვარში განაცხადა, რომ ჩინეთიდან კორონავირუსის გენომი მიიღო და მასთან ერთობლივად მუშაობს, ამ დაავადების საწინააღმდეგო ვაქცინის შექმნაზე. (წყარო: რადიო თავისუფლება) თუმცა ვაქცინის შექმნის შესახებ ოფიციალური სხვა ცნობა, გარდა მოსაზრებებისა არ გავრცელებულა.
ასევე, ვრცელდება ინფორმაცია, რომ ჩინეთს უკვე ჰქონდა ვირუსის გავრცელებამდე ვაქცინა, რომელიც დათვის ნაღველის და თხის რქის კომპონენტებს შეიცავდა და ის მაღალი იერარქიის სამხედრო პირებს გაუკეს კიდეც.
თავის მხრივ, ამერიკაში, პენსილვანიის ქალაქ პიტსბურგის უნივერსიტეტის სამედიცინო სკოლის მკვლევართა ცნობით, მათ უკვე შექმნეს ახალი კორონავირუსული დაავადება COVID-19-ის გამომწვევი ვირუსის, SARS-CoV-2-ის საწინააღმდეგო პოტენციური ვაქცინა.
თოთქოს, ზე სახელმწიფოები გაერთიანდნენ, როგორც უწოდეს- ,,უხილავი მტრის“ წინააღმდეგ , მაგრამ ამერიკის პრეზიდენტმა , დონალდ ტრამპმა ჩვეული პირდაპირობით, ვირუსი ,,ჩინური ვირუსის“ სახელით მოიხსენია და პანდემიასთან ბრძოლაში ღია ჯერ-ჯერობით, სწორედ ამერიკის შეერთებული შტატები რჩება.
როგორც ჩანს, უხილავი მტერი მტრული სახელმწიფოების კონტურებს მკვეთრად გამოსახავს და ეს არ იქნება ჰიპოთეზებზე დამყარებული.
როცა მთელი მსოფლიო ვირუსს ებრძვის რუსეთისა და ჩინეთის ამოცანა ნებისმიერ ფასად, სასურველი ახალი ეკონომიკური წესრიგის და შესაბამისად, გავლენების მიღებაა. ირკვევა, რომ პანდემიის ფონზე, ნავთობის ფასის კატასტროფული ვარდნა ყველაზე მეტად საზიანო რუსეთის, საუდის არაბეთისა და აშშ-სათვის შეიძლება აღმოჩნდეს.
რუსული ნავთობის ფასი კრიტიკულ მინიმუმამდე დაეცა და იგი 10 $-ს შეადგენს. ისიც ფაქტია, რომ მსოფლიოში ნავთობის შესყიდვები თითქმის შეჩერდა და რუსეთის ეკონომიკას შესაბამისად, სერიოზული ზიანი მიადგა.
რუსეთისა და აშშ-ს პრეზიდენტების საუბრის ერთ – ერთი თემა ნავთობზე ფასის შენარჩუნებაც იყო. საუბრის დეტალები არა, მაგრამ ნავთობის ფასის რეგულირება და პანდემიის წინააღმდეგ ბრძოლაში თანამშრომლობა, რომ უნდა შეძლონ, ეგ უკვე ითქვა.
ახლა, ნავთობზე მხოლოდ ფასის შენარჩუნება რუსეთის ეკონომიკისათვის ხსნა ვერ იქნება და მას ჩინეთმა დახმარების ხელი ამ მხრივაც გაუწოდა, როგორც რუსული პრესა იუწყება იგი რუსეთს ნავთობის ომში გამარჯვებაში დაეხმარება. აპრილისთვის ჩინურმა ნავთობ გადამამუშავებელმა კომპანიებმა სამ მილიონ ტონაზე მეტ რუსულ ნავთობზე გააფორმეს კონტრაქტები.
ჩინეთმა ვირუსის გავრცელების პირველსავე ეტაპზე იმარჯვა და ქვეყანაში განთავსებული უმსხვილესი კომპანიების აქციებიც შეიძინა , მაგრამ ეს შენაძენი შეიძლება მინიმალური აღმოჩნდეს იმ ზიანთან, რომლის ანაზღაურებაც დანარჩენი მსოფლიოსათვის მოუხდეს. განვითარებული ტექნოლოგიების ეპოქაში რთულია იმგვარი დახურული სივრცის შექმნა, რომ ცალკეულმა ინფორმაციამ, რომელიც სიმართლეს ასახავს არ გაჟონოს.
გავრცელებული ინფორმაციით სარჩელი უკვე მომზადდა, რომელიც ჩინეთისათვის მასობრივი განადგურების ბილოგიური იარაღის COVID-19 გავრცელების გამო 20 ტრილიონი დოლარის დაკისრებას ეხება.
მოსარჩელეების მტკიცებით, ჩინეთმა ვირუსი ერთი ან რამდენიმე მტრულად განწყობილი სახელმწიფოს, მათ შორის, აშშ-ის წინააღმდეგ შექმნა და მოითხოვენ, რომ სარჩელი ნაფიც მსაჯულთა სასამართლომ განიხილოს.
ჰქონდა თუ არა მტრობის საფუძველი ჩინეთს 2018 წლის შემდეგ, რაც, ტრამპმაჩინურ საქონელზე საბაჟო გადასახადი გაზარდა, ამერიკულ კომპანიებს საწარმოების ადგილზე განვითარება დაავალა და ჩინეთი ამერიკიდან სასოფლო სამეურნეო პროდუქტების შესყიდვაზე დაიყოლია, ღიად არავინ ამბობს ფაქტია ტრამპის მმართველობის დროს შეიქმნა მეტი სამუშაო ადგილი და ქვეყვნის ეკონომიკური ზრდის მაღალი მაჩვენებელიც დაფიქსირდა.
თუ იმასაც გავითვალისწინებთ, რომ ტრამპმა ჯო ბაიდენის საპასუხოდ თავის მოსაზრებაში ამ ორი ქვეყნის ლიდერები მოიხსენია, სურათი უფრო ნათელი ხდება :„ბაიდენი სუსტი და არაეფექტურია. სი ძინპინი ასეთ ადამიანებს დასცინის. ძინპინი და პუტინი ძილის წინ ლოცულობენ, რომ ბაიდენი ან ვინმე მისი მსგავსი გახდეს ამერიკის პრეზიდენტი, რომ ჩვენი ქვეყანის ხარჯზე ფული აკეთონ,“-აღნიშნა ტრამპმა.
სახელმწიფოთა შორის ურთიერთობის დისკურსი, რომლის მთავარი მდგენელი ეკონომიკური ფაქტორია, მნიშვნელოვნად განსაზღვრავს ზე სახელმწიფოთა როლსა და გავლენებს. ამ დისკურსში კოვიდ 19 მნიშვნელოვანი ფიგურანტი აღმოჩნდა , რომლის დაძლევაც მსოფლიოს ახალ გამოწვევას სთავაზობს და როგორც ექსპერტები ამბობენ, პანდემიის დამარცხების შემდეგ მთავარი გლობალური პრობლემა ბირთვული შეიარაღება და კლიმატური ცვლილებები იქნება.
რაც შეეხება ამ სამი ქვეყნის მმართველებს, მათი ჯანმრთელობისთვის კოვიდ 19-ს ზიანი არ მიუყენებია- ვლადიმერ პუტინი დისტანციურად მუშაობს, ტრამპის განმეორებითი ტესტი უარყოფითია, ჩინეთის უვადო მმართველი სი ძინპინის შესახებ, ამ მხრივ, ინფორმაცია არ ვრცელდება.