ქუთაისში მცხოვრებ ექვსსულიანი ოჯახისთვის გაზის ჩაჭრა რამდენიმე დღით შეაჩერეს. კომპანია “სოკარ ჯორჯია გაზი” იობიძეების ოჯახს დავალიანების დაფარვისთვის დროს ორშაბათამდე აძლევს.
იობიძეების ოჯახის ინფორმაციით, მათ რამდენიმე თვიანი დავალიანება აქვთ. გაზის კომპანიამ განწილადება მოახდინა, თუმცა შექმნილი საგანგებო მდგომარეობის გამო ოჯახი გადასახადს ვერ იხდის. კახა იობიძის თქმით, ისინი კომუნალური გადასახადების დაფარვას ვერ შეძლებენ. ოჯახში 2 მცირეწლოვანი ცხოვრობს. მისი თქმით, მომხდარი მის პოლიტიკურ განწყობებს უკავშირდება და ხელისუფლება 20 ივნისის მოვლენებში მონაწილების გამო სჯის.
ოჯახმა ადგილზე მისულ “სოკარ ჯორჯია გაზის” წარმომადგენლებს გაზის ჩაჭრის უფლება არ მისცა, რის გამოც საპატრულო პოლიციის გამოძახება გახდა საჭირო.
RUSTAVI2.GE