მარიამობის სადღესასწაულო ქადაგებაში ბოდბელმა მთავარეპისკოპოსმა იაკობმა მრევლი დალოცა, დღესასწაული მიულოცა და საერო ღთემებზეც ისაუბრა:
,,ხედავთ , როგორი დაპირისპირებაა, არ უნდა იყოს ეს დაპირისპირებულობა . ამას ჯობია წესიერი კონკურენცია იყოს და ეს არჩევანი მართლაც, წესიერ პირობებში გააკეთო და არა ისე, რომ ქართველებს ერთმანეთი გვეჯავრებოდეს, გვეზიზღებოდეს, იმიტომ რომ ერთხელ ვცხოვრობთ და რისთვის ვცხოვრობთ, ხომ უნდა დავფიქრდეთ ამაზე.
ავიღოთ ამერიკა, ჩვენი უახლოესი პარტნიორი. იქაც უნდა იყოს არჩევნები და შეხედეთ, ერთი მხარე და მეორე მხარე. ის თუ მოვიდა, ერთᲘ ამბობს, კატასტროფა იქნება. ის თუ მოვიდა, მეორეც ამბობს- კატასტროფა იქნება. დავუჯეროთ იმათ? არაფერი კატასტროფა არ იქნება, გინდ ერთმა გაიმარჯვოს, გინდ მეორემ , მაგრამ მიზანი აქვთ, რომ გაიმარჯვონ და მეორეს უნდა აგინონ.
ამიტომ ჩვენზე თუ ამბობენ, აი, საქართველო ასეა, ასე მიდის, ყველაფერი უნდა დავიჯეროთ იქიდან წამოსულს? რა თქმა უნდა არ უნდა დავუჯეროთ, იმიტომ , რომ თუ მართლა ისეა, როგორც ისინი ერთმანეთზე ამბობენ , მაშინ რა გვინდა იმათთან, რა განსხვავებაა რუსეთსა და იმათ შორის. თუ მასე არ არის და უბრალოდ, არჩევნებისთვის ლაპარაკობენ, მაშინ ჩემს შეფასებაში რატომ უნდა დავუჯერო. ჩემთან შეფასება პირველ რიგში უნდა გააკეთოს ქართველმა ხალხმა და არავის არა აქვს უფლება გარედან ჩაერიოს.
როგორც ვიცით , რამდენი საუკუნეა, 2 საუკუნეა რუსეთი არ მოგვეშვა, საბჭოთა კავშირი დაიშალა გამოვედით იქიდან და მაინც მძევლები ვართ, ჩვენი ტერიტორიები აფხაზეთი და ცხინვალის რეგიონი იმისთვის აქვს, რომ მძევლებივით ვართ. დანარჩენი მსოფლიოსათვისაც მძევლებივით ვართ, ჩვენ თუ არა, მაშინ რუსეთი და რაღაც ნდობა ხომ უნდა მქონდეს ან ევროპისკენ, ან ამერიკისკენ. მოლდოვაში და უკრაინაში თუ რამე სიკეთეს ხედავ, ჩემთან ვერ ხედავ შე დალოცვილო? ეს ხო სამარცხვინოა, სამარცხვინოა, ორივეს ეხება. ევროკავშირს, მის უმაღლეს პირებს და ასევე, მათ, რომლებიც ამერიკაში გვაკრიტიკებენ.
… მოლდოვას რომ წინ აყენებენ და უკრაინას რომ წინ აყენებენ, სამარცხვინო არ არის? უკრაინას კი, თავისი ეყოფა, იბრძვის, მაგრამ ფული და იარაღი რომ შეუწყვიყონ , სადღაა სახელმწიფო, ხომ? ამიტომ მანამდე იომებს, სანამ რუსეთის დასუსტება სჭირდება და არა გამარჯვებამდე, პირდაპირ უნდა გითხრათ. ამიტომ ისე ნუ გააკეთებთ, რასაც გეტყვიან ხო, სექტემბერში კიდე დააპირებენ რაღაცას, იტყვიან, რომ აი, თუ ეს რაღაც ასე გაგრძელდა ევროკავშირთან არ გაიხსნება მოლაპარაკება, რას მაძლევ მოლაპარაკებით, ხო, მანახე სიკეთე. იმიტომ რომ კავკასიელები ვართ, ჩვენ, პირველ რიგში ქართველები, ევროპული ცივილიზაცია იმით არის ცნობილი, რომ ქრისტიანული ცივილიზაციაა და ქრისტიანულ ცივილიზაციაში სიყვარული პირველია, სამართლიანობა ასევე პირველ ადგილას არის და იყავი ჩემთან სამართლიანი.”-თქვა ბოდბელმა მთავარეპისკოპოსმა იაკობმა.
