„გაბედეს“ წევრის გაგი ახალაძის განაჩენი ცნობილია.
“გაბედეს” აქტივისტს, მესხიშვილის თეატრის წინ ბუჩქებზე პოლიტიკოსების ფოტოებით სათამაშოების დაკიდების გამო 1000 ლარიანი ჯარიმის გადახდა დაეკისრა. გაგი ახალაძეს “საერთაშორისო გამჭვირვალობა საქართველოს” იურისტი იცავს.
,,ეს არის ტრაგი-კომიკური გადაწყვეტილება, რომელოც ბიძინა ივანიშვილის მონა სასამართლომ მიიღო“ – განაცხადა გაგი ახალაძემ.
ჯარიმა ქუთაისის მერიის ზედამხედველობის სამსახურმა ადმინისტრაციულ სამართალდარღვევათა კოდექსის 150-ე მუხლის მესამე ნაწილით დაწერა, რაც კულტურული მემკვიდრეობის დაცვის არეალში ბუჩქებსა და ხე-ნარგავებზე პლაკატებისა და სათამაშოების თვითნებურად განთავსების აკრძალვას გულისხმობს.
“გაბედეს” აქტივისტებმა 11 დეკემბერს ქუთაისის ცენტრალურ მოედანზე, მთავარ ნაძვის ხეზე ეგრედ წოდებული ”ბიძინას სათამაშოების” დაკიდება სცადეს, რისი უფლებაც მათ მერიისა და შსს-ს თანამშრომლებმა არ მისცეს. აქციის მონაწილეებმა ხელისუფლების წევრების ფოტოებით შექმნილი სათამაშოები მესხიშვილის თეატრის წინ ბუჩქებზე განათავსეს.
