ქუთაისში არსებული “კლინიკა ბომონდის ცხელების ცენტრი დასავლეთ საქართველოში ერთადერთი სამედიცინო დაწესებულებაა, რომელიც კორონავირუსზე საეჭვო სიმპტომების მქონე ორსულებს იღებს და მათ შესაბამის სამედიცინო მომსახურებას უწევს.
ცხელების ცენტრს ამ დრომდე დასავლეთ საქართველოს მასშტაბით საეჭვო სიმპტომებით ათამდე ორსულმა მიმართა. ტემპერატურის გარდა, მათ ნაწილს ორსულობასთან დაკავშირებული გართულებები აღენიშნებოდა. განხორციელდა თითოეული მათგანის ლაბორატორიული კვლევა. კვლევის შედეგად, კორონავირუსი არც ერთ მათგანს არ დაუდასტურდა, ხოლო კლინიკის მედიკოსების ძალისხმევით, ორსული პაციენტების ჯანმრთელობის მდგომარეობა ამჟამად დამაკმაყოფილებელია.
“კლინიკა ბომონდის” ცხელების ცენტრისთვის იზოლირებული შენობაა გამოყოფილი, რომელსაც დამოუკიდებელი სამშობიარო ბლოკი და სამეანო განყოფილება აქვს. გადამზადების სპეციალური კურსი გაიარეს იმ მედიკოსებმა, რომლებიც მხოლოდ ცხელების ცენტრს ემსახურებიან.
კორონავირუსზე საეჭვო სიმპტომების მქონე ორსულების გარდა, “კლინიკა ბომონდის” ცხელების ცენტრი ცხელების სიმპტომის მქონე ნებისმიერ პაციენტს ემსახურება – განმარტავენ კლინიკაში.
rustavi2.ge
