მოქალაქეებს ერთზე მეტი სუბსიდირებული იპოთეკური სესხის აღებაც შეეძლება.
ამაზე მთავრობის მიერ დამტკიცებულ „იპოთეკური კრედიტების მხარდაჭერის მექანიზმის“ სახელმწიფო პროგრამაშია აღნიშნული.
თუმცა, ამ მხრივ გარკვეული შეზღუდვაც იქნება. კერძოდ, როგორც დადგენილებაშია აღნიშნული, პროგრამის ფარგლებში ერთი ბენეფიციარის მიერ ასათვისებელი სესხ(ებ)ის ჯამური მაქსიმალური მოცულობაა 200 000 ლარი. ამასთან, ერთი და იმავე ბინის შესაძენად გაცემული სესხ(ებ)ის ჯამური მაქსიმალური მოცულობაა 200 000 ლარი.
ცნობისთვის, დღეის მდგომარეობით, რეფინანსირების განაკვეთი 8,25%-ს შეადგენს. ეროვნულ ბანკში მონეტარული პოლიტიკის კომიტეტის მორიგი სხდომა 5 აგვისტოსაა ჩანიშნული.