ახალი ბინის არჩევა მარტივი ნამდვილად არ არის და არც უნდა იყოს, რადგან უამრავი დეტალია გასათვალისწინებელი კომფორტისა და სიმყუდროვის შესაქმნელად, აქ ხომ მინიმუმ რამდენიმე წელი უნდა იცხოვროთ. აქედან გამომდინარე ასეთ დროს აჩქარება ნამდვილად არ ღირს, აჯობებს ალტერნატივები კარგად განიხილოთ, გადაავლეთ თვალი სხვადასხვა შემოთავაზებებს, დაალაგეთ პრიორიტეტები, უპირველესად რას მოელით ახალი ბინისგან და როგორი ტიპის ბინა უფრო მისაღები იქნება თქვენთვის.
თბილისში ბინის არჩევა შედარებით რთულია, რადგან დიდი ქალაქია და ალტერნატივებიც ბევრია, თუმცა მიუხედავად ყველაფრისა, დედაქალაქში ცხოვრებას მაინც უამრავი ადამიანი ესწრაფვის, აქ ხომ უამრავი შესაძლებლობაა. იქიდან გამომდინარე, რომ თბილისის მოსახლეობა სულ უფრო იზრდება და იზრდება ახალი ბინის შეძენით დაინტერესებულთა რიცხვი, დეველოპერული კომპანიებიც მუდმივად ცდილობენ ახალი ტერიტორიების ათვისებასა და მომხმარებლის ინტერესებზე მორგებული ბინების აშენებას.
ბინის შეძენისას თითოეული ადამიანის გადაწყვეტილებაზე სხვადასხვა ფაქტორები მოქმედებს, უმეტესად ეს მათი ინტერესების მიხედვით არის დაპრიორიტეტებული, თუმცა მთავარი მაინც ღირებულებაა, რასაც თავის მხრივ სხვადასხვა ფაქტორები განაპირობებს. უპირველესი ბინის ხარისხიანი მშენებლობაა, არავის სურს ისეთ ბინაში ცხოვრება, რომლის უაფრთხოებაც კითხვის ნიშნის ქვეშ იქნება, ამიტომ ყველა მშენებელი ცდილობს პირველ რიგში ეს დეტალი იყოს გათვალისწინებული. მას შემდეგ, რაც ადამიანი დარწმუნდება, რომ ბინა უსაფრთხოა, მის ყურადღება უკვე კომფორტი იპყრობს, რომელიც შეიძლება ინდივიდუალურად იყოს გამოხატული, თუმცა მთავარი ორი ფაქტორი ამ შემთხვევაში ადგილმდებარეობა და ბინის მდგომარეობაა. მაგალითად, ბინები ვაკეშიშეიძლება იდეალურ ადგილას იყოს, თუმცა ადამიანმა უარი თქვა მხოლოდ იმიტომ, რომ მისი მდგომარეობა არ აკმაყოფილებდეს მის მოთხოვნილებებს. როგორც წესი, ასეთ შემთხვევაში ბინის ღირებულება, რა თქმა უნდა, იკლებს, თუმცა ეს ის დეტალია, რომელსაც ყველა ითვალისწინებს.
ბინის არჩევა უპირველესად ფინანსური მზაობის გამოცხადებით იწყება, როდესაც ადგენთ იმ მაქსიმალურ მიჯნას, რისი გადახდაც იმ კონკრეტულ მომენტში შესაძლებელი იქნება თქვენთვის. ამის შემდეგ, აჯობებს ბინებს თვალი გადაავლოთ, რომლის დროსაც ყურადღება პირველ რიგში ადგილმდებარეობას ექცევა. ეს ნაწილიც ინდივიდუალურია, შეიძლება ადამიანისთვის პრიორიტეტი სამსახურთან ახლოს ცხოვრება წარმოადგენდეს, ან პრიორიტეტს სიწყნარეს ანიჭებდეს, ან სულაც მწვანე გარემო სურდეს, ზოგისთვის კი ქალაქის ხმაური იყოს სიმყუდროვე. აქედან გამომდინარე, აჯობებს პრიორიტეტები განსაღვროთ და ლოჯისტიკა გაითვალისწინოთ. როგორც წესი, ქალაქის ცენტრში ბინებს უფრო მეტი ფასი აქვთ, ვიდრე გარეუბანში, თუმცა თუკი წყნარი გარემო და სიმწვანე გირჩევნიათ და ავტომობილით გადაადგილდებით, შეიძლება სწორედ რომ ცენტრისგან მოშორებით საუკეთესო ადგილი იპოვოთ, რომელიც თქვენს მოთხოვნებს სრულად დააკმაყოფილებს.
ადგილმდებარეობასთან ერთად ბინის ძებნისას აუცილებლად გაითვალისწინეთ მდგომარეობაც. შეიძლება თქვენს სანუკვარ ქუჩაზე იპოვოთ მისაღებ ფასად ბინა, თუმცა არასახარბიელო მდგომარეობაში იყოს. ასეთ შემთხვევაში, კარგად დაფიქრდით რამდენად გიღირთ, თუმცაღა მართალია, რომ ბინის მდგომარეობის შეცვლა დროთა განმავლობაში შეიძლება და მისი რემონტი სრულიად შესაძლებელია, ასევე რაც ძალიან კარგია, მისი გაკეთება შესაძლებელია როგორც ერთბაშად, ასევე დროში გაწელილად. მაგალითად, თუკი ბინები ვაკეშიმოძებნეთ სასურველ ადგილას კარგ ფასად, თუმცა მდგომარეობა დიდად ვერ დაიკვეხნის, შეიძლება დამატებითი ფინანსები მოიძიოთ და ერთიანად გაალამაზოთ, ან ეტაპობრივად მიხედოთ მდგომარეობას.