რა საკითხები დასვეს მოქალაქეებმა და რა პასუხი ჰქონდა მერს ქუთაისის ბიუჯეტის პროექტის განხივლაზე

2024 წელს ქუთაისის ბიუჯეტის მოცულობა მიმდინარე წლის  დამტკიცებულ  ბიუჯეტთან შედარებით, დაახლოებით, 14 მილიონი ლარით გაიზრდება და 115 მილიონ 510 ათასს მიაღწევს – ამის შესახებ ქუთაისის მუნიციპალიტეტის მერმა იოსებ ხახალეიშვილმა ბიუჯეტის პროექტის განხილვისას ისაუბრა, რომელიც აკაკი წერეთლის სახელობის უნივერსიტეტში გაიმართა.

მერიის პრიოროტეტები წელსაც უცვლელია:

მმართველობა და საერთო დანიშნულების ხარჯები 23 მილიონ 480 ათასი ლარი;

ინფრასტრუქტურის განვითარება 23 მილიონ 098 ლარი;

დასუფთავება და გარემოს დაცვა – 11 მილიონ 015 ათასი ლარი;

განათლება 21 მილიონ 398 ათასი ლარი;

კულტურა ახალგაზრდობა და სპორტი – 25 მილიონ 691 ატასი ლარი;

ჯანმრთელობის დაცვა და სოციალური უზრუნველყოფა 8 მილიონ 857 ატასი ლარი;

ეკონომიკის განვითარების ხელშეწყობა 115 510 ლარი.

მიმდინარე წლის მსგავსად, იზრდება  მმართველობისa და საერთო დანიშნულების ხარჯები. 2024 წელს მერიის თანამშრომელთა ხელფასებზე 4 მილიონი ლარით მეტი დაიხარჯება.

თუმცა შემცირებულია ინფრასტრუქტურისთვის გამოყოფილი თანხა. ბიუჯეტი, რომელიც 2023 წელს 24 მილიონს შეადგენდა, მომავალი წლისთვის მილიონი ლარით შემცირდება და  23 მილიონი იქნება.

შეხვედრას არასამთავრობო სექტორის, მედიის, საგანმანათლებლო და სხვა დაწესებულებების წარმომადგენლები, სტუდენტები და საჯარო სამსახურში დასაქმებულები ესწრებოდნენ. ქალაქის მერმა და სამსახურების ხელმძღვანელებმა მოქალაქეების მიერ დასმულ შეკითხვებს უპასუხეს.

მოქალაქეებმა ქუთაისის მერს ქალაქში კანალიზაციის პრობლემის მოგვარებაზე ჰკითხეს:

კითხვა დაისვა, თუ რა კეთდება ქუთაისში იმისათვის, რომ ქალაქი არ დაიცალოს და დემოგრაფიული მდგომარეობა არ გაუარესდეს:

ქუთაისის მერს ასევე ჰკითხეს, თუ რა გეგმები აქვს ქალაქის მერიას მიუსაფარ ცხოველებთან დაკავშირებით:

ერთ-ერთმა მოქალაქემ სურვილი გამოთქვა რომ, როდესაც ასფალტის ფენა დაიგება ის აღარ გაიჭრას:

მომდევნი წლის ქალაქის მთავარ ფინანსურ დოკუმენტში შესატანი საჭიროებების განხილვას მადლობების გარეშე არ ჩაუვლია.

,,მადლიერება ძალიან მნიშვნელოვანია და მინდა მადლობა გითხრათ იმის გამო, რასაც ამ ქალაქისთვის აკეთებთ. დღეს ქუჩაში მოვდიოდი და ძალიან ვამაყობდი, რომ ასეთი გალამაზებულია ჩემი ქალაქი. ამას დანახვა სჭირდება,”-აღნიშნა მერიას დაქვემდებარებული უწყების, კულტურულ-საგანმანათლებლო და სახელოვნებო დაწესებულებათა გაერთიანების მმართველის მოადგილემ ბაია კოღუაშვილმა.

„ქუთაისის 2024 წლის ბიუჯეტი 115 , 5 მილიონი ლარით გვაქვს განსაზღვრული, რაც 14 მილიონი ლარით მეტია მიმდინარე წელთან შედარებით. შესაბამისად, შესაძლებლობა გვექნება , გავზარდოთ დაფინანსება სხვადასხვა მიმართულებით.

ჩვენ შევინარჩუნებთ ყველა პრიორიტეტულ პროექტსა და პროგრამას, განსაზღვრული გვაქვს ახალი პროექტების განხორციელება ინფრასტრუქტურის, სოციალური, კულტურის, განათლების, სპორტისა და ახალგაზრდული საკითხების კუთხით.

 ვაგრძელებთ საგზაო ინფრასტრუქტურის განახლებას და ჯამში, 33, 6 მილიონი ლარი დაიხარჯება ინფრასტრუქტურული პროექტების განსახორციელებლად, რაც 2023 წელთან შედარებით 92%-ითაა გაზრდილი.

რამდენიმე ახალი პროგრამა დავუმატეთ სოციალურ პროგრამებს – ჯამში კი, 7, 4 მლნ. ლარით დაფინანსდება, რაც თითქმის მილიონი ლარით მეტია 2023 წელთან შედარებით.

 ️1, 6 მილიონი ლარი გვაქვს განსაზღვრული კულტურის სფეროს დასაფინანსებლად და აქ გათვალისწინებულია იუნესკოს შემოქმედებითი ქსელის წევრი ქალაქის სტატუსის ფარგლებში განსახორციელებელი აქტივობებიც.

რამდენიმე ახალი პროექტი გვექნება განათლების მიმართულებით, რითაც მნიშვნელოვნად შევუწყობთ ხელს ჩვენს მოსწავლეებსა და სტუდენტებს.

2 მილიონამდე ლარით დაფინანსდება სპორტული ღონისძიებები, ახალგაზრდა სპორტსმენების ხელშეწყობა და წახალისება, მხარს დავუჭერთ მათ ღირსეულად წარდგენას საერთაშორისო ასპარეზობებზე.

ახალგაზრდული პროგრამების განსახორციელებლად 400 000 ლარია ბიუჯეტში გათვალისწინებული და მოიცავს ახალგაზრდული ინიციატივების მხარდაჭერას, ახალგაზრდული მუშაკების გაძლიერებას, სხვადასხვა ფესტივალების და ფორუმების მოწყობას.

1, 5 მილიონი ლარი მოხმარდება ტურიზმის სფეროს განვითარებას, ქუთაისის, როგორც კულტურული ტურიზმის მიმართულების და დანიშნულების ადგილად დამკვიდრებას მსოფლიო ტურიზმში.

გაგრძელდება წარმატებული თანამშრომლობა საერთაშორისო ორგანიზაციებთან, რომლებსაც ღირსეულ პარტნიორობას ვუწევდით წლების მანძილზე .

ყველა ამ გეგმას, პროგრამებსა და პროექტებს ერთი საერთო მიზანი აქვს, რომ გაიზარდოს ჩვენი თანაქალაქელების კეთილდღეობა, უკეთესი გახდეს ქალაქის იერ-სახე და ქუთაისი ყველა დონეზე ღირსეულად წარმოვაჩინოთ.“ – განაცხადა იოსებ ხახალეიშვილმა.