ავიაკომპანია Wizz Air ფასდაკლების ახალი კლუბის გახსნას აანონსებს. WIZZ Discount Club Light, ეს არის ლოიალობის ახალი პროგრამა, რომელიც მომხმარებელს ფრენის დროს ექსკლუზიურ ფასდაკლებებს სთავაზობს.
პროგრამა ხელმისაწვდომი იქნება Wizz Air-ის ვებგვერდსა და აპლიკაციაში. ახალი სერვისით ფასდაკლებები, სპეციალური საბორტო კუპონები და სხვადასხვა აქცია იქნება ხელმისაწვდომი.
მომხმარებელს შეუძლია შეუერთდეს WIZZ Discount Club Light-ს ყოველგვარი საკომისიოს გადახდის გარეშე. ისინი, ვინც WIZZ Discount Club Standard ჯგუფის წევრები არიან, ავტომატურად მიიღებენ WIZZ Discount Club Light შეთავაზებებს. ახალი პროგრამა მიზნად ისახავს გაზარდოს მომხმარებელთა ჩართულობა უნიკალური ფასდაკლებებით.
„WIZZ Discount Club Light არის კიდევ ერთი გზა ჩვენი მომხმარებლებისთვის, დაზოგონ თანხები WIZZ-თან ერთად მოგზაურობისას. ექსკლუზიური ფასდაკლებები ხელსაყრელი იქნება ყველასთვის, ვინც ჩვენთან ერთად ირჩევს ფრენას და შეძლებენ მეტი თანხა დაზოგონ საკვებსა და პროდუქტებზე“, – აცხადებს Wizz Air-ის კორპორაციული კომუნიკაციების მენეჯერი ჟაჟა ტრუბეკი.
