ნიკა გვარამიამ პროკურატურა ცოტა ხნის წინ დატოვა. მას ბრალის დადგენილება ოფიციალურად გადასცეს. გვარამიამ პროკურატურის ეზოში ბრალის დადგენილება საჯაროდ დახია.
გვარამიას ბრალი სისხლის სამართლის კოდექსის 220-ე მუხლით წაუყენეს, რაც საწარმოს ხელმძღვანელობითი და წარმომადგენლობითი უფლებამოსილების გამოყენებას, ამ ორგანიზაციის კანონიერი ინტერესების საწინააღმდეგოდ მოქმედებას გულისხმობს, რამაც მნიშვნელოვანი ზიანი გამოიწვია.
ბრალი 3-დან 5 წლამდე თავისუფლების აღკვეთას ითვალისწინებს.
„ეს ბრალი არის კონტრაქტის დადებაზე, ეს არის კატასტროფული სამარცხვინობა. ერთგვერდიანი ბრალი მაქვს, რატომ დადო კონტრაქტი დირექტორმა. წარმოდგენილი გაქვთ, რას აკეთებს საერთოდ და რას იხილავს საქართველოს პროკურატურა და როგორ ასაბუთებს, რაც მთავარია, ვერც კერავს საქმეებს. ეს სამარცხვინო საქციელი იქნება ძალიან მკაცრად დასჯილი. ამ იდიოტიზმს არ წავიკითხავ, ეს არის სამარცხვინო. ეს არის კატასტროფა და რაც გულუაშვილმა გააკეთა, ტყუილი ფაქტების და ჭორაობის, აბსოლუტურად ტყუილად ბრალში არ მყოფი ეპიზოდის ბრიფინგზე მოყოლა დაუჯდება პატიმრობად, აუცილებლად. ყველა ვინც ამ საშინელებებს აკეთებს, ჩაჯდება ციხეში. აი, ბიძინა ივანიშვილი, შეიძლება გარიგებით გაეთრეს ამ ქვეყნიდან, მაგრამ ეს ნაგლეჯები, იმისთვის რომ პოლიტიკურ პატიმრებს იჭერენ და ასრულებენ უკანონო დავალებებს, უკანონო დავალების შემსრულებელი ყველა პროკურორი, გამომძიებელი ყველა მოხვდება ციხეში. არ ვაპატიებ არავის საქართველოში პუტინის სტილით პოლიტიკური პატიმრების გაჩენას“, – განაცხადა გვარამიამ.
პროკურატურაში შესვლამდე კი რუსთავის 2 ყოფილმა გენერალურმა დირექტორმა თქვა: ”
მე წავალ პოლიტიკაშიც, ყველგან ვაპირებ წასვლას, სადაც ივანიშვილი დამარცხდება, მე ვიქნები მისი მთავარ მტერი და მის კაპიტულაციას ჩავიბარებ მე,გპირდებით. კიდევ ერთხელ – კორუფცია და ქურდობა არის ჩემი წითელი ხაზი, არ გაპატიებთ, მათ შორის, არც იმას, ვინც ეს დებილობა წაიკითხა პირდაპირ ეთერში. უკაცრავად, თუ ეს ბრალი უბდა წაგეყენებინათ 4 საათი რომ მკითხავდით ერთი შეკითხვა მაინც რატომ არ დამისვით ამ ბინებზე?! მე, არ ვაპირებ შემოვიფარგლო მარტო ტელევიზიით, თუმცა მას საუკეთესოს გავაკეთებ, მიუხედავად იმისა, ჩამსვამენ, თუ არა, მაგრამ მე,მონაწილეობას მივიღებ ყველა პლატფორმაში, რომელიც ბიძინა ივანიშვილს დააზარალებს. ეს არ არის ჩემი არჩევანი, ეს არის ბიძინა ივანიშვილის არჩევანი.პროკურატურის დღევანდელი ბრიფინგით მან შემომითვალა,რომ მე ვარ მისი ერთ-ერთი მთავარი მოწინააღმდეგე ამ მიწაზე,მე ვიღებ ამ გამოწვევას. მე წავალ პოლიტიკაშიც, მე წავალ საზოგადოებრივ მოძრაობებშიც, ყველგან, სადაც ბიძინა ივანიშვილის დასამარება მიმდინარეობს.
მოვუწოდებ ყველას, გაერთიანების დროა, საქართველოში არის დიქტატურა. ხდება ზუსტად ის,რაც ხდება რუსეთში.არჩევნები რუსეთშიც ტარდება, მაგრამ თუ ვინმე ამტკიცებს,რომ რუსეთი დიქტატურა არ არის, ჯობია სახლში დაჯდეს, ტელევიზორს უყუროს და არ იყოს პოლიტიკაში.საქართველოში დამყარდა რუსული ტიპის დიქტატურა. უზურპატორი უნდა წავიდეს”, – განაცხადა გვარამიამ.
კითხვაზე, აქვს თუ არა ს დაკავების მოლოდინი, გვარამია პასუხობს,რომ ყველაფრის მოლოდინი აქვს.
“არ ვიცი ყველაფრის მოლოდინი მაქვს, ბევრჯერ გითხარით, რომ ყველაფრის მოლოდინი მაქვს.არავის სჯეროდა რომ ეს მოხდებოდა.სრულიად დარწმუნებული ვიყავი, ბევრმა ჩემმა მეგობარმა მითხრა, რომ ქვეყნიდან წავსულიყავი, ხელისუფლების წყაროებმაც მითხრეს, რომ წავსულიყავი. არავითარ შემთხვევაში არ წავალ ქვეყნიდან, რომ მერე მომაყოლონ კორუფციის ბრალი.გამორიცხულია,დავრჩი და ვრჩები აქ, ჩემი არჩევანი არის მხილოდ ორ რამეს შორის – ან თავისუფლება ან პატიმრობა. მესამე შანსი არ იქნება, ეს გამორიცხულია”, – განაცხადა გვარამიამ ნიკა გვარამიამ.
პროკურატურაში შესვლამდე რუსთავის ორის ყოფილმა გენერალურმა დირექტორმა ასევე განაცხადა: „ არ მოგცემთ შესაძლებლობას, არავითარი კომპრომისი კორუფციის შემთხვევაში არ იქნება დაშვებული. არ გადავიხდი არანაირ გირაოს, მაღალს უბრალოდ – ვერ და დაბალს – არ. არანირი შინაპატიმრობა, პირდაპირ გიცხადებთ, ყველა თქვენს აღკვეთის ღონისძიებაზე გეუბნებით, არ დავემორჩილები,დავარღვევ ყველაფერს, ვერც ეჟვანს შემაბამთ, ვერც სახლში დამაბამთ, არც გირაოს გადავიხდი. ან პატიმრობა, ან თავისუფლება სხვა არჩევანს არ გაძლევთ“ – განაცხადა ნიკა გვარამიამ.
