მადლი მოგვცეს უფალმა, რომ ვიქონიოთ კანონმდებლობა, რომელიც დაიცავს ოჯახს, ჩვენს ხალხს მავნე გენდერული თეორიებისგან, იდეოლოგიისგან, უარი კი არ უნდა ვთქვათ ამ კანონმდებლობაზე, როგორც ზოგიერთები მოგვიწოდებენ, – ასე მიმართა საქართველოს პატრიარქმა შიო მესამემ სამების ტაძრის ეზოში შეკრებილ მორწმუნეებს.
პატრიარქის თქმით, “უნდა გავაძლიეროთ და განვამტკიცოთ” ოჯახის დაცვის და შენარჩუნების მიმართულება და ეს არის ჩვენი ქვეყნის გადარჩენის, გამრავლების საწინდარი.
შიო მესამემ ისაუბრა დემოგრაფიულ მდგომარეობაზე და აღნიშნა, რომ თუ არ ვიზრუნეთ “ოჯახის განმტკიცებაზე, გადარჩენაზე, შენარჩუნებაზე”, საშიშროება რეალურია, რომ ჩვენს “სამოთხესავით ლამაზ ქვეყანაში” სხვა ხალხებმა გადააჭარბონ რიცხობრივად ქართველობას.
„თუ არ გამოვასწორეთ ჩვენი დემოგრაფიული მდგომარეობა, თუ არ ვიზრუნეთ ოჯახის განმტკიცებაზე, გადარჩენაზე, შენარჩუნებაზე, ჩვენ გვემუქრება რეალური საშიშროება, რომ ჩვენ მშვენიერ სამოთხესავით ლამაზ და მშვენიერ ქვეყანაში დამკვიდრდებიან სხვა ხალხები, ჩვენთან ერთად,რომლებსაც უყვართ ბავშვები, რომლებიც არ იშორებენ შვილებს, რომლებიც იცავენ თავიანთ რელიგიას და ამიტომ კარგად მრავლდებიან. შეიძლება, ღმერთმა დაიფაროს ეს რა თმა უნდა , მაგრამ ასე თუ გავაგრძელეთ ჩვენ ეს საშიშროება რეალურია, რომ გადააჭარბონ რიცხობრივად ქართველობას.
მადლი მოგცეს უფალმა, რომ ვიშრომოთ, ვიღვაწოთ ოჯახის გადარჩენისთვის, ოჯახური ღირებულებების დაცვისთვის, რომ ვიქონიოთ ისეთი კანონმდებლობა, რომელიც დაიცავს ოჯახს, ჩვენს ხალხს მავნე გენდერული თეორიებისგან, იდეოლოგიისგან. უარი კი არ უნდა ვთქვათ ამ კანონმდებლობაზე, როგორც ზოგიერთები მოგვიწოდებენ, არამედ პირიქით, უნდა გავაძლიეროთ და განვამტკიცოთ ეს მიმართულება ოჯახის დაცვის და შენარჩუნების. ეს არის ჩვენი ქვეყნის გადარჩენის, გამრავლების საწინდარი. ასევე ღვთის წყალობის“, – განაცხადა პატრიარქმა.
