ზუგდიდი-მესტიის გზაზე ყაჩაღობა მოხდა.
“მესტიის მუნიციპალიტეტში სოფელ ნაკრაში მიმდინარეობს სამძებრო-დაკავების ოპერაცია. პოლიცია ორ ახალგაზრდას ეძებს რომელთაც ბრალად ედებათ უცხოელ ცოლ -ქმარზე თავდასხმა.
სოფელ ნაკრას ასახვევთან იპოვეს გატაცებული მანქანა რომელსაც ადგილობრივების თქმით აღენიშნება სისხლის კვალი. ასევე ნაპოვნია ცოლი, რომელიც გადაყვანილია განყოფილებაში. ქმარი კი ამ დრომდე დაკარგულად ითვლება. აღნიშნულ დანაშაულში ეჭვმიტანილებს პოლიცია სოფელ ნაკრაში ეძებს, რომელთა ვინაობა ამ ეტაპზე ჩვენთვის უცნობია,“ – ავრცელებს “სვანეთის სათემო რადიო“.
პოლიცია სავარაუდო თავდამსხმელებს ამ დრომდე ეძებს. თუმცა არსებობს მომხდარის შესახებ ორი ვერსია.
“მთავარი არხის“ ინფორმაციით, ერთ-ერთი ვერსიით ტურისტ ცოლ-ქმარს თავს ორი ახალგაზრდა დაყაჩაღების მიზნით დაესხა თავს.
მეორე ვერსიით კი თავდამსხმელებს უნდოდათ უცხო ქვეყნის მოქალაქე ქალის გატაცება, რაშიც ქალის მეუღლემ შეუშალა ხელი და თავდამსხმელებმა მამაკაცი სავარაუდოდ გულ-მკერდის არეში ცეცხლსასროლი იარაღით დაჭრეს.
ქალი უკვე გამოიკითხა. არსებული ინფორმაციით მას სამედიცინო დახმარება დასჭირდა, რადგან თავდამსხმელებმა მასზე იძალადეს.
“კაცი მოკლული არის სავარაუდოდ, ქალზე იძალადესო,“ – აცხადებს არხთან ადგილობრივი, რომლის ვინაობა არ სახელდება.
წყარო: მთავარი არხი
