“ახლახან, ქუთაისის მერმა, ბატონმა იოსებ ხახალეიშვილმა ძალიან სასიხარულო რამ მითხრა!
“ნიკოლოზ ბოლქვაძეს მე ვუფინანსებ ამერიკაში მგზავრობას! აი, ასე!”
და ეს ისე, რომ პირადად მისთვის არც არავის გვითხოვია! თუთიკოს გეფიცებით ისევ 
უსაშველოდ გამიხარდა და მოგახარეთ ყველას, ვინც ნიკოლოზ ბოლქვაძის ჰოლივუდში სწავლას გულშემატკივრობთ!!!
არ ვცდები მე პოლიტიკური თანამდებობის პირების შეცნობაში, არა! ჯერ არაკაცისთვის არასდროს გამიტოკებია თითი, მხოლოდ ძალიან კარგი ადამიანებისთვის მიბრძოლია და მახარებს ეს, რომ არასდროს განვხიბლულვარ!
უღრმესი მადლობა, ბატონო სოსო!” – ამის შესახებს სოციალურ ქსელში მარიკა ბერძენაძე წერს.
მანმადე კი მარიკა ბერძენაძე ფეისბუკზე წერა:
“ვისაც ეს ფოტო გახსოვთ და ნიკოლოზის ამბები გაინტერესებთ!
თუთიკოს გეფიცებით, ეს ბიჭი თვალით არ მყავს ნანახი რეალში!!! მაგრამ ფინანსურად ხელმოკლე ნიჭიერების მიმართ მაქვს მოძალებული ემპათია, მოძალებული გულისხმიერება და დახმარების მოჭარბებული სურვილი!
ვინც იცოდით და მონაწილეობა მიიღეთ, უდიდესი მადლობა თითოეულს, ზუსტად ვიცი, ისეთი მიზანდასახული ბიჭია, დადგება ეგ ოსკარით ხელში, “აგერ ჩვენ და აგერ გერმანია”.. ვიამაყებთ, რომ მცირედი წვლილი მიგვიძღვის ამ ბედკრული ქვეყნის ბედკრულ შვილებს მის ვარსკვლავობაში!!! მაგალითად, ეს ჩემთვის იქნება ზებედნიერება!
ვინც აქამდე არ იცოდით, ახლა გეტყვით, რომ ნიკა ბოლქვაძეზე ვწერდით ადრე, “ოსკარის” დამფუძნებელ დრამატული ხელოვნების აკადემიაში რომ ჩარიცხეს დიდი ზარზეიმით. ეს ამბავი იმდენჯერ გაშუქდა ტელევიზიით და რადიოთი, რომ ბევრმა იცის. თუმცა ნიკა მაშინ ვერ გაემგზავრა- ამერიკის საელჩომ მაისამდე გადადო განაცხადების განხილვა. უმრავლესობა მორჩილად დაელოდებოდა მაისის მოსვლას, მაგრამ – არა ნიკა. დაბზრიალდა ნიკოლოზი სხვა გზების საძებნელად ლიტვაში გადაფრინდა. ნიკას უნივერსიტეტთან – LCC International University თანამშრომლობს ZIP Travel კომპანია. ისინი აგზავნიან სტუდენტებს ამერიკაში სამუშაოდ GPA-ს მიხედვით, ეგ კი ნიკოლოზს უმაღლესი აქვს . ოთხთვიანი სამუშაო ვიზა და თანხის დაგროვება სწავლისთვის კარგი იდეა იყო, მაგრამ პანდემიამ ეგ გზაც გააჩერა. ჩამოფრინდა ისევ და მაისის მოლოდინში დაალაგა გეგმა ა, ბე, გე და რა ვიცი. დაიწყო ნებისმიერი სამუშაოსთვის მზადება, რომელიც ახლობლებმა ურჩიეს ამერიკიდან. აქეთ უბერიო და ამ დროში აიღო მართვის მოწმობა. ურჩიეს და სწავლობს ბუღალტერიას, სტილისტობას , კულინარიასაც, ბარმენობასაც და თუ რამე ისწავლება, ყველაფერს.
ყველას მიერ გადარიცხული თნხა, ვინც მონაწილეობა მიიღეთ, აქამდე უდევს ანგარიშზე მკვდარივით. მოკლედ მოვიდა მაისიც. მივიდა საელჩოში, გაიარა და არა ერთ- ან ორწლიანი, არამედ მთელი ხუთწლიანი ვიზა მისცა ნიკას ამერიკის საელჩომ .. თან ოფიცერმა უთხრა, კარგად დაგვიმახსოვრე, როცა ოსკარის ცერემონიაზე ჯილდოს გადმოგცემენო
მართალია, სწავლის თანხა ისევ პრობლემაა, ჰოდა, ძმამ უთხრა, ჩემს ბინას გავყიდი და ეგ მოიხმარეო. ამაზე მართლა ძაან ამიჩუყდა გული. ბოლოს და ბოლოს რაპმე სიკვდილ-სიცოცხლის საქმე ხო არ არის. მსახიობობაზე მეოცნებე ბიჭის ოცნების ასრულებაა და ამისთვის ყიდის ერთადერთ ბინას! თუმცა გაყიდვა არ ყოფილა იოლი საქმე. თანაც ქუთაისის გარეუბნის 75 კვადრატული მეტრიც არ არის ისეთი, ხარჯებს რომ გაასწორებს. ქუთაისის მერია მაშინ კი დაჰპირდა მგზავრობის ხარჯების ანაზღაურებას. იმედია მართლა დაეხმარებიან. 14 აგვისტოს უკვე ამერიკაში უნდა იყოს.. რა ვიცი, რომ არ ვთქვა, ისედაც ჩანს, ძალიან რო მინდა ნიკას ყველაფერი გამოუვიდეს. ამ დაქცეულ დეპრესიულ გარემოში. გადატანას აკეთებს ადამიანი. საკუთარ თავს აიმედებს ასეთი ნიკოლოზების მაგალითით და რწმენაც ემატება, რომ არც თვითონაა მარტო. ეგ კი ყველას გვჭირდება.”
