30 სექტემბერს „შერატონ გრანდ თბილისი მეტეხი პალასში” საქართველოს მაღალი მოდის კვირეულზე ბრენდმა zhakirtofficial მაღალი მოდის ავანგარდული კოლექცია „რენესანსი“ წარმოადგინა. კოლექცია იმერეთის მაღალმთიანი სოფლის, გორდის მკვიდრმა, წლების წინ ემიგრაციაში გადასახლებულმა ჟანა კირთაძემ შექმნა, რომელსაც საბერძნეთში იოანა ივანოვნად იცნობენ. ქართველი ქალი საბერძნეთის მაღალი მოდის სფეროში დღესდღეობით მნიშვნელოვან წარმატებებს აღწევს.
23 წლის ასაკში დაწყებული ემიგრანტობის რთული გზა, ახლა უკვე წინსვლებით გრძელდება. 10 წლიანი განშორების შემდეგ იოანას დებიუტი საქართველოში შედგა.
წლევანდელ კოლექციაში ერთი ლუქია, რომელზეც ამოყვანილია “აი ია”, როგორც იოანა ამბობს ქართული ასოები მისი ინსპირაციის წყაროა და სამომავლოდ სამკაულების შექმნასაც აპირებს.
“ყოველდღიურობაში მაქვს ინსპირაცია. ყოველდღე რაღაც ახალს ვსწავლობ, ვქმნი და ვვითარდები… სიურეალიზმი, კუბიზმი, ფუტურიზმი, ქანდაკება, არქიტექტურა ბევრჯერ გამხდარა ჩემი შთაგონების წყარო. გეომეტრიული ფორმები, ასიმეტრია, დახვეწილი დრაპინგის ტექნიკა, ფერწერა, ქანდაკების დეტალები… 3D ხელნაკეთი ნაკერებით არის დამუშავებული ჩემი კოლექცია. მაქვს ისეთი ლუქები, თითოეულზე რომ ორი კვირა ვიმუშავე. ისინი ჩემს პატარა ატელიეში იქმნება. ყველა ლუქი შექმნილი, შეკერილი და დამუშავებულია ხელით. დიდ მნიშვნელობას ვანიჭებ ქსოვილს, ათენში კი სამწუხაროდ, დიდი არჩევანი არ გვაქვს.
წლევანდელ კოლექციაში ერთი ლუქი მაქვს, რომელზეც ამოყვანილია “აი ია”… ასოები არის ჩემი ინსპირაციის წყარო და სამომავლოდ, ქართული ასოებით სამკაულების შექმნას ვაპირებ. მინდოდა ქართული ასოების პრინტით სამოსის შექმნა, მაგრამ სამწუხაროდ, აქ ვერ შევძელი. როცა ჩამოვალ, თბილისში გავარკვევ დეტალებს და მომდევნო კოლექციაზე აუცილებლად იქნება. მიმაჩნია, რომ ასეთი დამწერლობა არავის აქვს… ძალიან მომწონს ვაზი, მაგრამ ჯერ ვერ ვეხები.” – ამბობს იოვანა ჟურნალ “გზა”-თან ინტერვიუში.
თბილისში მაღალი მოდის კვირეული გაიმართა, დიზაინერებმა ხელით შექმნილი კოლექციები წარმოადგინეს. მაღალი მოდა გულისხმობს რომ კოლექციის 70% ხელით უნდა შეიქმნას. კვირეულის დამფუძნებელია დიზაინერი თინათინ მაღალაშვილი
