,,ვინცხას ხვამლი სწყალობს, ნიავი და ქარი არ დაელევაო” – დღეს ხვამლობა აღინიშნება (+ვიდეო)

დღეს #ლეჩხუმური ყოფისთვის უმნიშვნელოვანესი დღე – ხვამლობაა

ხვამლის მთა ამ კუთხის უმნიშვნელოვანესი ნაწილია და მას ქართულ მითოლოგიურ პერსონაჟს – ელიას უკავშირებენ, რომელიც ამინდს განაგებს.

ელიას მხედველობა არ უვარგა, ამიტომ ხშირად სეტყვასა და მეხს სოფლებს დაუშენს ხოლმე. ამისგან თავის ასარიდებლად, ადგილობრივები ცაში თოფის სროლასა და ხმაურს იწყებდნენ, ამინდის მბრძანებლს რომ მიანიშნონ, სოფლის თავზეა.

როგორც უხუცესები ამბობენ, “ვინცხას ხვამლი სწყალობს, ნიავი და ქარი არ დაელევაო.” ამიტომ, თუ ფესტივალზე მისულებს, ნიავმა დაგიქროლოთ, ესე იგი ხვამლი გწყალობთ.

ხვამლობის დღესასწაულზე, აღდგომიდან მერვე კვირის შაბათს იმართება. ახლომდებარე სოფლებიდან მოსახლეება მთაზე ადის და შესაწირი ააქვს, ტაძარში აღევლინება ლოცვა. ტრადიცია წელსაც არ დარღვეულა.

ხვამლის მთაზე წმ. გიორგის ეკლესია იყო. 1886 წელს ჟურნალ ,,მწყემსში”,მღვდელი იოანე თაგვაძე წერდა: ,,ამ თვალუწვდენელი კლდის თავზე არის ნანგრევი ეკლესიისა”.

,,წმინდა გიორგის ხომლისა ტაძარს,, სწირავდნენ ჯვარ-ხატებს, გლეხებს, გადასახადებს, ადგილ-მამულებს. რამდენი რამ თქმულა ,,ხვამლის ძალაზე,,: თუ ხვამლი გწყალობს,ნიავი არ მოგაკლდებაო.”

ხვამლი, იგივე ხომლი — კირქვული მასივი საქართველოში, ლეჩხუმში, მხარის დასავლეთ ნაწილში, ცაგერისა და წყალტუბოს მუნიციპალიტეტების ტერიტორიაზე. სიმაღლე 2002 მ. ორმაგი კუესტაა. აგებულია ცარცული კირქვებით. სამხრეთისკენ აჩენს 300 მ. სიმაღლის ქარაფს, სადაც მდებარეობს ხვამლის ისტორიული ქვაბ-სახიზარი. ორივე კუესტის ჩრდილოეთი დაფერდება დაცხრილულია მრავალი კარსტული ძაბრით. მღვიმეებიდან აღსანიშნავია თეკენთერი (შესასვლელი წიფლის ფუღუროდან) და ყინულოვანი მღვიმე ბოგა. ხვამლი შემოსილია შერეული ტყით.