“საქართველომ საერთაშორისო დონეზე გამოაცხადა მზადყოფნა რომ უმასპინძლოს ტურისტებს, რა თქმა უნდა ამ დროისთვის აუცილებლად მოხდება ტრანსპორტის აღდგენა” – ამის შესახებ ქუთაისის ვიცე-მერმა ნინო თვალთვაძემ “მეგა ტვ”-ს პირდაპირ ეთერში, მთავარის სპეციალურ გამოშვებაში დისტანციურად სტუმრობისას განაცხადა. მისივე თქმით ტრანსპორტის აღდგენისას ყველა წესის დაცვით უნდა მოხდეს:
“ეს საკითხი საკმაოდ პრობლემატურად რჩება, მე ვერ გეტყვით კონკრეტულ თარიღს როდის აღდგენა ტრანპსოტი, თუმცა ცენტრალურ ხელისუფლებასთან ყოველდღიურად მიმდინარეობს კონსულტაცია, იმ სტანდარტებთან დაკავშირებით, რომელიც უნდა დამკვიდრდეს. ეს მხოლოდ მოქალაქეებს არ უქმნის პრობლემას, იგივე მდგომარეობაში ვართ ჩვენც, იგივე ნაირად მოქმედებს სერვისების მიწოდებაზე. გამომდინარე იქიდან რომ, საზოგადოებრივი ტრასპორტი არ მუშაობს მადლიერების სახლის სრულფასოვნად ფუნქციონირებას ვერ აღვადგენთ და კლავ გაგრძელდება მათი პროდუქტებით მხარდაჭერა, ისე როგორც ეს ამ ბოლო თვეების განმავლობაშ იყო.
გამომდინარე იქიდან რომ 15 ივნისიდან იწყება შიდა ტურიზმი და 1 ივლისიდან საქართველომ საერთაშორისო დონეზე გამოაცხადა მზადყოფნა რომ უმასპინძლოს ტურისტებს, რა თქმა უნდა ამ დროისთვის იქნება გადაწყვეტილებები მიღებული და აუცილებლად მოხდება ტრანსპორტის აღდგენა იმ სავალდებულო წესების დაცვით, რაც ძალიან მნიშვნელოვანია და უნდა ვიყოთ რაც შეიძლება ფრთხილად, რადგან ეს ყველაფერი რასაც მივაღწიეთ იქნეს შენარჩუნებული.” – განაცხადა ქუთაისის ვიცე-მერმა ნინო თვალთვაძემ “მეგა ტვ”-ს პირდაპირ ეთერში, მთავარის სპეციალურ გამოშვებაში დისტანციურად სტუმრობისას.
ქუთაისში ახალი ავტობუსები სექტემბერში ჩამოვა – ნინო თვალთვაძე
