საქართველო რომ მევენახეობა – მეღვინეობის ერთ-ერთ უძველეს კერად ითვლება, ამაზე არავინ დაობს. ქართველები საუკუნეების მანძილზე სისტემატიურად აუმჯობესებდნენ ვაზის ჯიშურ ასორტიმენტს. ქართული ვაზის სიყვარული მტრისათვის იმდენად კარგად იყო ცნობილი, რომ მისი განადგურება არაერთმა მტერმა სცადა, რადგანაც ეს მთლიანად ერის განადგურებასთან იყო გაიგივებული. მაგრამ შრომისმოყვარე ქართველმა ხალხმა შეუპოვრობით გადალახა დაბრკოლებები და საუკუნეთა ქარცეცხლში ქართული ვაზი, მევენახეობა და მეღვინეობა შემოგვინახა. გივი ჩუბინიძე იმ ადამიანთა კატეგორიას მიეკუთვნება, ვინც აგრძელებს იმ მემკვიდრეობას, რაც ჩვენმა წინაპარმა დაგვიტოვა და ცდილობს ქართული ვაზის მივიწყებული უნიკალური ჯიშები მოამრავლოს. მეგობრებთან ერთად 2014 წელს დაარსა კოოპერატივი ,,მეღვინეობა საზანო” . ამბობს, რომ მისი ბიზნესის განვითარებაში მნიშვნელოვანი როლი ევროკავშირის პროგრამამ იქონია. ამჟამად მისი ღვინო როგორც საქართველოს, ასევე ევროპის ბაზარზე, ლონდონში დიდი ბაბუის ნანუა ჩუბინიძის ეტიკეტით გააქვს. საკუთარ ეზოში 40-მდე, კოოპერატივში კი 127 ჯიში აქვს გამოყვანილი საინტერესო და ორიგინალური კონცეფციით – ვენახის ფართობი საქართველოს რუკის გარშემოწერილობას იმეორებს და ვაზიც ისეა განაწილებული ამ ტერიტორიაზე, როგორც საქართველოს კუთხეებში – აბორიგენული ჯიშები.
შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს
საქართველოს მთავრობის სტრუქტურაში შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც დაიკავებს მამუკა მდინარაძე. საქართველოს მთავრობის სტრუქტურაში შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც დაიკავებს მამუკა მდინარაძე. ...
