ხონში სტიქიის შედეგად დაზარალებული ემიგრანტი მოქალაქე დახმარებას ითხოვს და ამბობს, რომ პრობლემბის გადაჭრის ნაცვლად სახლი გაუნადგურეს. როგორც რამაზ სიხარულძემ “მეგა ტვ”-ს განუცხადა კომპანიამ, რომელსაც მისი სახლის მოწესრიგება დაევალა შენობა გადახურვის გარეშე დატოვა, წვიმამ კი სახლში ყველაფერი დააზიანა. რამაზ სიხარულეძე ემიგრაციაში იმყოფება, მის სახლში ხონში კი არავინ ცხოვრობს. მოქალაქე პრობლემის დაუყოვნებლივ მოგვარებას მოითხოვს და ამბობს რომ სასამართლოს მიმართავს:
“სტიქიამ დაიზიანა საცხოვრებელი სახლი. მთავრობამ მოიყვანა კომპანია და დაიწყეს გაკეთება. გადახადეს სახურავი და ახლა წვიმს გადაუღებლად, დაიტბორა მთელი სახლი, გამიფუჭდა ყველაფერი. ძალიან უპასუხისმგებლოდ მოიქცნენ. მერიას დავუკავშირდი და მითხრეს ჩავაყენებთო გამგებელს საქმის ყურშიო. სახლი არის სახურავის გარეშე ან ცელოფანი ან ბრიზენტი მაინც გადაეფარებინათ .ძალიან დაუდევრად არიან მოქცეულნი. ვაპირებ რომ კომპანია, რომელიც აკეთებს სამუშაოებს ჩემს სახლზე სასამართლოში ვუჩივლო. გამინადგურეს სახლი” – ამბობს რამაზ სიხარულიძე.
