საქართველოს ენერგეტიკისა და წყალმომარაგების მარეგულირებელი ეროვნული კომისია 30 მარტს ელექტროენერგიის ტარიფების შესახებ იმსჯელებს.
დღის წესრიგის მიხედვით, უნდა დადგინდეს როგორც თბილისში „თელმიკოს“, ასევე რეგიონებში “ეპ ჯორჯიას“ ელექტროენერგიის განაწილების ტარიფები.
შეგახსენებთ, ელექტროენერგიის ტარიფების ზრდა 2026 წლის 1-ელი იანვრიდან იყო დაგეგმილი, თუმცა საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ, 29 დეკემბრის სხდომაზე მიღებული გადაწყვეტილებით, არსებული ტარიფები დროებით, 3 თვის განმავლობაში შეინარჩუნა. ელექტროენერგიის სექტორში დადგენილი დროებითი ტარიფების მოქმედების ვადა სწორედ 2026 წლის 31 მარტს იწურება.
ინფორმაციისთვის, ამ დროისთვის თბილისში მცხოვრები აბონენტები, რომლებიც ყოველთვიურად 0-დან 101 კილოვატამდე ელექტროენერგიას მოიხმარენ ერთ კილოვატში 15,041 თეთრს იხდიან.
გაიზრდება თუ არა დენის ფასი საქართველოში – სემეკი ტარიფზე იმსჯელებს
101-301 კილოვატ საათის ჩათვლით მომხმარებლებისთვის ტარიფი 19.053 თეთრია, ხოლო 301 კილოვატზე მეტი ელექტროენერგიის მომხმარებლებისთვის ტარიფი 23.537 თეთრი.
რაც შეეხება რეგიონების, ანუ “ეპ ჯორჯიას“ მომხმარებლებს, ის აბონენტები, რომლებიც 0-დან 101 კილოვატამდე ელექტროენერგიას მოიხმარენ, ტარიფი 14.731 თეთრს შეადგენს.101-301 კილოვატ საათის ჩათვლით მომხმარებლებისთვის ტარიფი 18.708 თეთრი, ხოლო 301 კილოვატზე მეტი ელექტროენერგიის მომხმარებლები ერთ კილოვატში 23.227 თეთრს იხდიან.
bpn.ge
