2023 წლის 3 მარტს, თბილისში, საქართველოს პარლამენტის შენობასთან არასამთავრობო ორგანიზაციის „ვეძებ“-ის ორგანიზებით აქცია გაიმართება.
„ვეძებ“ უკვე რამდენიმე წელია, აქტიურად არის დაკავებული გაშვილებული, გაყიდული და მოპარული ბავშვების ძებნით. აქციაზე, სწორედ ის დედები შეიკრიბებიან, რომლებსაც თავიანთი შვილები სამშობიარო სახლებიდან გაუშვილეს , ასევე შვილები ვინც მშობლებს ეძებენ :
,,ათი ათასობით დედა გაძარცვეს და ყველაზე ღირებული მოპარეს, მათ შვილები გაუქრეს. ყვირიან, იძახიან, შველას ითხოვენ თუმცა პასუხს ვერ იღებენ. ოფიციალურად მათი შვილები ცოცხლები არიან, მაგრამ შვილები გარდაცვლილებად გამოუცხადეს. გვეყოფა ლოდინი გამოდი 3 მარტს 17 საათზე.
– გვაქვს ორი მოთხოვნა 
შეცვალონ კანონმდებლობა და გაშვილებულ , სრულწლოვან ადამიანებს მოგვცენ ინფორმაცია საკუთარი თავის შესახებ და გამწარებულ დედებს გასცენ პასუხი, სად წავიდნენ ის ბავშვები, რომლებიც ვითომდა სამშობიაროს სასაფლაოებზე დაკრძალეს 
– ნათქვამია ორგანიზაციის მიერ გავრცელებულ განცხადებაში.
