ფრაქცია „ქართული ოცნების„ წევრი საკრებულოში ალეკო ახალაძე,გიორგი ჭიღვარიას თანამდებობის დატოვებას ეხმაურება:
“მეგა ტვ” პოსტს უცვლელად გთავაზობთ:
:”…მხოლოდ თანამდებობა – ღირსებას არ მატებს ადამიანს!
…ყოველი ღირსეული ადამიანისთვის შეურაცხმყოფელი და სამწუხაროა, როცა ჩვენს გვერდით გამოჩნდებიან ისეთებიც, ვინც ადამიანს თურმე მხოლოდ თანამდებობის გამო შესციცინებენ თვალებში!
…არადა, თანამდებობაში უმთავრესია არა ძალაუფლების, არამედ ადამიანური ღირსების დანახვა!
…მხოლოდ ღირსეულ ადამიანს შეუძლია თანამდებობაზე ღირსეულად მოსვლაც და მისი ღირსეულად დატოვებაც!
…ადრეც გამოვხატე ჩემი მოსაზრება და ახლაც ვიტყვი,რომ ბატონი გიორგი ჭიღვარიას მერობის დროს ქალაქ ქუთაისში განხორციელდა ბევრი ისეთი პროექტი,რომელიც ათეული წლების წინ დაანონსდა, მაგრამ დღემდე გადაუწყვეტელი იყო!
…და,ეს გიორგი ჭიღვარიას და მისი გუნდის – დაუღალავი, 24 საათიანი შრომის შედეგია!
…დღეს, “ქართული ოცნების” ქუთაისის ორგანიზაცია, გუნდურად მომუშავე, ქალაქის კეთილდღეობისთვის მებრძოლი ადამიანების კრებულია და ესეც, ბატონი
გიორგის განსაკუთრებული დამსახურებაა !
…მჯერა, რომ გიორგი ჭიღვარიას და მისი მეგობრების ცოდნა და გამოცდილება კვლავაც აქტიურად იქნება გამოყენებული ქვეყნისა და “ქართული ოცნების” წინაშე მდგარი გამოწვევების გადაწყვეტის საქმეში! …რადგან, საქართველოს ხელისუფლებამ, რომელმაც ქვეყნის წარმატებული მართვის და დღეს კი, კორონავირუსთან ბრძოლის კუთხით მსოფლიოს მასშტაბით პროფესიონალიზმისა და მენეჯმენტის მაგალითები აჩვენა – კარგად იცის საერთო საქმისადმი ერთგული ადამიანების ღვაწლის დაფასება და მათ უყურადღებოდ არ ტოვებს!
…მხოლოდ ის არის სამწუხარო და ის ხალხია ცოდვა, ვისაც ავიწყდებათ სიკეთე,ხოლო თავის ცხოვრების მიზნად – ადამიანებისთვის გულისტკენა და ლანძღვა-გინება დაუსახავთ!
…უფალს ვთხოვოთ, რომ ყველას შეუნდოს საკუთარი ადამიანური სისუსტეებით ჩადენილი ცოდვები!
P.S. … მიუხედავად იმისა,რომ როგორც საკრებულოს წევრს არავითარი თანამდებობრივი ანგარიშვალდებულება არ გამაჩნდა და არ გამაჩნია ქალაქის მერის წინაშე, ამასთან, იმ ადამიანებისგან განსხვავებით, ვინც მისგან პიროვნულად იყვნენ დავალებულნი და დღეს, სამადლობელი სიტყვის ნაცვლად სიცრუისა და სიბინძურის სიტყვებს მრავლად აფრქვევენ – მინდოდა და თავი ვალდებულად ჩავთვალე, საჯაროდ გამომეხატა ჩემი გულწრფელი მოსაზრება!
… მადლობა ერთობლივი საქმიანობისა და თანადგომისთვის! მიგულეთ თქვენს გვერდით !“ წერს ახალაძე ფესიბუკზე
