“ემიგრანტი ბაქარ ბანძელაძე წლები ისრაელში მუშაობდა და სულ რამოდენიმე თვის წინ ოცნებების განსახორციელებლად დაბრუნდა საქართველოში.
უწყინარი ბიჭი, რომელიც მხოლოდ ოჯახისთვის და მეგობრებისთვის შრომობდა და თავისუფალ დროს მხატვრობას უთმობდა
ბიჭი რომელიც უყვარდათ და უყვარდა…
შენი ვერ ახდენილი ოცნებებით მტკივა ბაქარ დღეს, შენი და შენი ულამაზესი ოჯახის გარდაცვალება .
ერთხელ მთხოვე – დამეხმარე ისრაელში ნახატების გამოფენაზე სადმე გამიყვანეო. ვერ მოგიხერხე და ვერ გაგახარე.
ის არაჩვეულებრივად ხატავდა რაც მე მაქვს ნანახი ისრაელში და ოცნებად ქონდა მისი ნახატების გაცნობა საზოგადოებაზე. შენ შენი კვალი კაცურად დატოვე ამ წუთისოფელში და მე მჯერა შენი შემოქმედებით, რომელსაც აუცილებლად გავაცნობთ საზოგადოებას (შენიანების დახმარებით) სათქმელიც ბევრი თქვი.
ნათელი თქვენს სულებს სამოთხის ანგელოზებო
ისრაელის ემიგრანტები ვუსამძიმრებთ დაღუპულთა ოჯახებს და სრულიად საქართველოს” – წერს ოჯახის ახლობელი ლიზი მჟავანაძე სოციალურ ქსელში.”
გუშინ ქვიშხეთთან მომხდარ ავტოსაგზაო შემთხვევას ოთხი ადამიანის სიცოცხლე ემსხვერპლა. გარდაცვლილთა შორის სამი მცირეწლოვანი ბავშვია. სოფელ სათივესთან, საავტომობილო გზაზე მოძრავი მანქანა მდინარე მტკვარში გადავარდა. შემთხვევის შედეგად ადგილზე დაიღუპა სატრანსპორტო საშუალების მძღოლი და მანქანაში მყოფი 5-დან 10 წლამდე ასაკის 3 ბავშვი, ორი ბიჭი და ერთი გოგონა.
ახალგაზრდა ქალს, რომელსაც წყლიდან ამოყვანისას გულის გაჩერება დაუფიქსირდა, ხაშურის საავადმყოფოში გადაყვანისას ჩატარებული რეანიმაციული ღონისძიებების შედეგად გული აუმუშავდა, თუმცა, მისი მდგომარეობა კვლავ უკიდურესად მძიმე იყო.
“ვეღარ გავაცნობთ შვილებს ერთმანეთს, ვერ ვისაუბრებთ ხელოვნებაზე, შენს ნახატებზე, ჩემს ფოტოებზე”
“ანდრეა და ალექსი ბანძელაძეები წარმატებული მოსწავლეები იყვნენ” – სკოლა ღრმა მწუხარებას გამოთქვამს
