“ნაციონალური მოძრაობა” “ლელოსთან” და სხვა ოპოზიციურ პარტიებთან ერთად რუსული რეჟიმის წინააღმდეგ ბრძოლისთვის მზადაა.
ენმ-ს თავმჯდომარე ლევან ხაბეიშვილი ამბობს, რომ ძველი წყენები გვერდით უნდა გადადონ, ცოტა ხნით გაუგებრობები დაივიწყონ და საერთო მიზნისკენ ერთობლივი ძალებით დაიწყონ წინსვლა.
ცხადია ყველა პარტიასთან გვექნება ურთიერთობა, ყველა პარტიასთან ვიქნებით ურთიერთობაში, ყველამ გვერდზე უნდა გადავდოთ ერთმანეთთან დამოკიდებულებები, ის არ მინდა, ის არ მომწონს. ამასობაში რუსეთი იპყრობს ფაქტობრივად საქართველოს და ოკუპაციას ახდენს არა 20%-ის, არამედ მთლიანად ჩვენი ქვეყნის. ამიტომ, ამ საქმეში უნდა ვიყოთ ყველა ერთიანი”. – ამბობს ხაბეიშვილი.
საერთო ეროვნული მიზნისთვის გაერთიანებაში ჩასართავად მზადყოფნას გამოთქვამს “სტრატეგია აღმაშენებელიც”.
ყველგან ვიქნებით ბრძოლაში, პარლამენტში, პარლამენტს გარეთაც და ვიქნებით კოორდინაციაში ყველა პროდასავლურ პარტიასთან, ვინც პრინციპულად დგას ევროინტეგრაციის გზაზე და ვინც პრინციპულად თვლის, რომ საქართველოს მართავს რუსული რეჟიმი”, – ამბობს სერგო ჩიხლაძე.
რაც შეეხება თავად ინუიციატივის ავტორ პარტიას, ანა ნაცვლიშვილი ამბობს, რომ რუსული კანონის დანერგვის ხელიშეშლისთის “ლელო” ყველაფერს გააკეთებს.
ისევე, როგორც არ არსებობს ორი პოლიტიკური ძალა, ცალკე „ქართული ოცნება“ და ცალკე „ხალხის ძალა“, ასე არ არსებობს ორი კანონპროექტი. არსებობს ერთი მიზანი და ეს მიზანი არის საქართველოს გასაბჭოება. ახლა არის ახალი ფაზა, პირდაპირ რუსული კანონის დანერგვის და ისე განვითარების, როგორც რუსეთში განვითარდა. ჩვენ გვექნება, ახალი კოორდინაციის, ახალი ძალისხმმევისა და გაერთიანების პროცესი”, – ამბობს ანა ნაცვლიშვილი
“ლელომ” ხუთ პუნქტიანი გეგმა უკვე შეიმუშავა. ნიციატივით მამუკა ხაზარაძე გამოვიდა. საუბარი არ არის პარტიულ გაერთიანებაზე, თუმცა კრიტიკულ მომენტში, ხაზარაძის გუნდი მზად არის ყველა პროევროპულად განწყობილ პოლიტიკოსთან პირადად ისაუბროს, რატა ქვეყანაში რუსული კანონის მიღება არ მოხდეს და საქართველომ შეინარჩუნოს ევროპული არჩევანი.
