თბილისის წინასწარი დაკავების იზოლატორთან ცოტა ხნის წინ ენმ-ს თავმდჯომარე მივიდა. ლევან ხაბეიშვილი ადგილზე ადვოკატთან და ექიმთან ერთად გამოჩნდა.
ხაბეიშვილი “პირველებთან” ამომბოს, რომ ნაცემია ერთი სტუდენტი, რომელიც წუხელ რუსული კანონის საწინააღმდეგო აქციაზე იმყოფებოდა. მისი თქმით, ახალგაზრდას ექსპერტიზა უკვე ჩაუტარდა. ის დიღმის სამმართველოშია მოთავსებული.
ოპოზიციონერი ლიდერი პირდაპირ ამბობს, რომ პუტინისტურ ხელისუფლებას ბეჭებზე დას და ცემს ბოლომდე იბრძოლებს.
გუშინ მოიქცა რუსი ივანიშვილი ისე, როგორც პუტინი იქცევა ხოლმე მოსკოვის ცენტრში გამართული აქციების პარალელურად. რუსულად, როგორც იცის, ზუსტად ისე. 36 ადამიანი ჰყავთ დაკავებული და იზოლატორში გამოკეტილი, მათ შორის, პატარა პუტინისტები რომ არიან – სირაძეები, ბზიშვილები, რომლებიც გამოირჩევა აგრესიით და მაღალი თანამდებობის პირები არიან საპატრულო პოლიციაში, ეს ორი ადამიანი განსაკუთრებული სისასტიკით გამოირჩეოდა.
ერთი სტუდენტი არის ნაცემი, ასეთი ინფორმაცია გვაქვს და ჩაუტარდა, როგორც ვიცი, ექსპერტიზაც. თუ მისცემენ შესაძლებლობას, ჩვენი ექიმი, ლევან მეტრეველი მზად არის მოინახულოს. დღეს ახლა ვართ ერთ-ერთ იზოლატორთნ, სადაც ძალიან ბევრი ადამიანი ჰყავთ დაკავებული. ჩვენი იურისტი, ვანო პეტრიაშვილი, ცხადია, ეცდება ყველას მონახულებას. ჩვენ გვინდა, რომ ყველას უფლებები დავიცვათ. არაფრის არ შეგეშინდეთ. ამ პუტინისტებს დავდებთ ბეჭებზე ყოველ მიზეზ გარეშე. მომავალში ბევრი ბრძოლა მოგვიწევს, იქნება ეს ორშაბათი, სამშაბათი. იმ დღეებში, როდესაც ამ კანონის განხილვები იქნება აქტიური. ყველამ უნდა იცოდეს, რომ ჩვენ ვიბრძოლებთ ბოლოდე, – თქვა ხაბეიშვილმა.
შეგახსენებთ, რომ გუშინ რუსული კანონის საწინააღმდეგო აქციაზე პოლიციამ 36 ადამიანი დააკავა. 7 მათგანი ხელწერილი საფუძველზე გაათავისუფლეს. 29 პირი ამ დრომდე დიღმის წინასწარი დაკავების იზოლატორში იმყოფება.
